चिवडा बनवण्यासाठी साहित्य
एक किलो भाजक्या पोह्यांचा चिवडा बनवण्यासाठी लागणारे साहित्य अगदी योग्य प्रमाणात घेणे गरजेचे असते. चिवडा बनवण्यासाठी भाजके पोहे (1 किलो), मका चिवडा (अर्धा किलो), शेंगदाणे (अर्धा किलो), फुटाणे डाळ (अर्धा किलो), मोहरी (2 चमचे), जिरे (2 चमचे), बारीक मीठ (3 चमचे), हिंग पावडर (1 चमचा), हळद (1 चमचा), लाल तिखट (4 चमचे), चिवडा मसाला (100 ग्रॅम) हे साहित्य आवश्यक आहे. तसेच लसूण, कढीपत्ता, पिठी साखर हे आवडीनुसार प्रमाण घ्यावे.
advertisement
चिवडा बनवण्याची कृती
स्वच्छ करून घेतलेले भाजके पोहे मोठ्या भांड्यात घ्यावेत. ते कढईमध्ये गरम करावे. उकळलेल्या तेलात मका चिवडा तळून घ्यावा. भाजक्या पोह्यांवर मका चिवडा गरम गरम टाकावा. त्यानंतर शेंगदाणे, कढीपत्ता आणि लसूण तळून पोह्यांवर टाकावा. वरती दिलेल्या साहित्याप्रमाणे चणा डाळ, हळद, लाल तिखट, हिंग पावडर, पिठीसाखर, चिवडा मसाला आणि बारीक मीठ टाकावे. उकळलेल्या तेलामध्ये जिरे आणि मोहरीची फोडणी देऊन पोह्यांवरती तडका द्यावा. सर्व मिश्रण एकसारखे हलवून घ्यावे. अशाप्रकारे खमंग, खुसखुशीत चवदार चिवडा तयार होतो.
सांगली शहरातील सुप्रसिद्ध भडंगबद्दल सगळ्यांनाच माहिती असते. सांगली बाहेर जाणाऱ्या प्रत्येकाच्या आठवणीत सांगलीचा भडंग नेहमीसाठी राहतो. अशाच खास पद्धतीचा खमंग आणि चवदार चिवडा देखील सांगलीमध्ये बनवला जातो. असा खमंग चिवडा तुम्हीही बनवू शकता.