Skin Cancer : त्वचेचा कर्करोग का होतो ? लक्षणं ओळखा, कारणं समजून घ्या, वेळीच व्हा सावध

त्वचेच्या कर्करोगापासून बचाव करण्यासाठी पहिलं पाऊल म्हणजे स्वत:ची नियमित तपासणी. कारण अनेकदा, शरीरात दिसणाऱ्या लक्षणांकडे दुर्लक्ष केलं जातं. सूर्यप्रकाश, काही अनुवांशिक घटक आणि कमकुवत रोगप्रतिकारक शक्तीमुळे होणारे डीएनए नुकसान यामुळे त्वचेच्या कर्करोगाचा धोका वाढतो असं मानलं जातं.

त्वचेचा कर्करोग काही वेळा कानाच्या बाहेरील भागात सुरू होऊ शकतो. सुरुवातीला कोरडी, खवलेयुक्त त्वचा किंवा हळूहळू वाढणारी पांढरी गाठ अशी लक्षणं दिसतात. ही लक्षणं सहसा वेदनारहित असतात, ज्यामुळे त्याकडे दुर्लक्ष होऊ शकतं.

advertisement

Health Tips : ऋतू बदलाचा त्रास होतो ? योगाभ्यासातल्या उपायांनी करता येईल मात

उपचार केले नाही तर ते आतील कान आणि आजूबाजूच्या हाडांमधे कर्करोग पसरू शकतो. नखाखाली होणाऱ्या कर्करोगाला सबंग्युअल मेलेनोमा म्हणतात. ही लक्षणं नखाखाली किंवा पायाच्या नखाखाली गडद किंवा काळ्या डागाच्या रूपात दिसू शकतात.

पुरुषांमधे, जननेंद्रियाच्या त्वचेवर संशयास्पद जखमा देखील त्वचेच्या कर्करोगाचं लक्षण असू शकतात, म्हणून या भागांची तपासणी करणं देखील महत्वाचं आहे.

डोळ्यातील मेलेनोमा डोळ्याच्या पांढऱ्या भागात किंवा डोळ्याच्या बाहुलीभोवती गडद ठिपक्याच्या स्वरूपात दिसू शकतो. त्याच वेळी, पापण्यांवर तयार होणाऱ्या लहान, कठीण गाठी वेगानं वाढू शकतात.

जिभेवर आणि तोंडाच्या आत देखील कर्करोग पसरु शकतो, विशेषतः धूम्रपान करणाऱ्या किंवा जास्त मद्यपान करणाऱ्यांमधे हे प्रमाण जास्त असतं. गाठी, न बरे होणारे व्रण, मुंग्या येणं, बधीर होणं किंवा कडक पांढरे डाग ही धोक्याची लक्षणं असू शकतात.

त्वचेचा कर्करोग पायांच्या तळव्यावर आणि हातांच्या तळव्यावर देखील होऊ शकतो. ज्यांची त्वचा काळी आहे आणि ज्या ठिकाणी सूर्यप्रकाश येत नाही अशा लोकांमध्ये हे अधिक सामान्य आहे. कर्करोग टाळूवर देखील लपून राहू शकतो, विशेषतः केस पातळ झालेले किंवा टक्कल पडलेल्यांमधे ही लक्षणं दिसू शकतात.

Anti Aging : त्वचा सुंदर आणि स्वच्छ दिसण्यासाठी खास टिप्स, चेहरा दिसेल तरुण

ओठांच्या त्वचेचा कर्करोग पुरुषांमध्ये अधिक सामान्य आहे आणि तो धूम्रपान, मद्यपान आणि एचपीव्ही संसर्गाशी जोडला गेला आहे. शिवाय, टॅटू केलेले भाग तीळ किंवा चट्टे लपवू शकतात, ज्यामुळे बदल शोधणं कठीण होतं.

कुटुंबात त्वचेच्या कर्करोगाचा इतिहास असेल, त्वचा खूप गोरी असेल, जास्त तीळ असतील किंवा जास्त काळ बाहेर राहावे लागत असेल तर अतिरिक्त काळजी घेणं आवश्यक आहे. दर तीन महिन्यांनी स्वतःची तपासणी करा, आरशाचा वापर करुन लक्षणं दिसतायत का ते पाहावं आणि प्रियजनांना तुमच्यावर लक्ष ठेवायला सांगा. त्वचेचा कर्करोग जितक्या लवकर आढळेल तितके उपचार सोपे आणि प्रभावी होतील.