TRENDING:
आज आपण पाहणार आहोत, झणझणीत काळ्या मसाल्यातलं वाफ वड्याचं कालवण. ही रेसिपी stylishachari या इंस्टाग्राम अकाऊंटवर शेअर केली गेली आहे. चला स्टेप बाय स्टेप पाहूया ही रेसिपी कशी बनवायची.
वाफ वड्याचं कालवण बनवण्यासाठी लागणारे साहित्य..
- लसूण
- आलं
- हिरवी मिरची
- भाजलेलं सुकं खोबरं
- भाजलेला कांदा
advertisement
- भाजलेले काळे तीळ
- कोथिंबीर
- जिरे
- कढीपत्ता
- लाल तिखट
- हळद
- कांदा लसूण मसाला
वाफ वड्याचं कालवण बनवण्याची कृती..
- एका मिक्सरच्या भांड्यात भिजवलेली चणा डाळ घ्या. त्यामध्ये लसूण, आलं, हिरवी मिरची टाकून पाणी न टाकता थोडं जाडसर वाटून घ्या.
- आता हे एका भांड्यात काढा आणि यामध्ये ओवा, हळद, बारीक चिरलेली कोथिंबीर, मीठ टाकून हे सर्व एकत्र करून घ्या.
- एक प्लेट तेलाने ग्रीस करून घ्या आणि त्यामध्ये हे मिश्रण थोडे थोडे घेऊन त्याच्या वाद्य टाकून घ्या.
- आता ही प्लेट उकळत्या पाण्यावर ठेऊन वडे वाफवून घ्या.
- आता वाटण बनवण्यासाठी भाजलेलं सुकं खोबरं, भाजलेला कांदा, लसूण, हिरवी मिरची, भाजलेले काळे तीळ, कोथिंबीर आणि पाणी टाकून बारीक पेस्ट तयार करा.
- एका कढईमध्ये तेल टाका. ते गरम झाल्यावर जिरे, कढीपत्ता, वाटलेली पेस्ट टाकून परतून घ्या.
- नंतर यामध्ये लाल तिखट, हळद, कांदा लसूण मसाला आणि चवीनुसार मीठ टाकून व्यवस्थित परतून घ्या.
- त्यानंतर गरम पाणी टाका, याला उकळी येऊ द्या.
- पाण्याला उकळी आल्यानंतर त्यामध्ये वाफवलेले वडे टाका आणि 3 ते 4 मिनिटं शिजवून घ्या.
- शेवटी भरपूर कोथिंबीर घालून गॅस बंद करा.
Disclaimer : या बातमीत दिलेली माहिती आणि सल्ला तज्ञांशी झालेल्या संभाषणांवर आधारित आहे. ही सामान्य माहिती आहे, वैयक्तिक सल्ला नाही. म्हणून कोणत्याही सल्ल्याचे अनुसरण करताना तज्ज्ञांचा सल्ला घ्यावा. कोणतेही नुकसान झाल्यास त्यासाठी न्यूज-18 जबाबदार राहणार नाही.