TRENDING:
सिल्लोड नगर परिषदेत एकनाथ शिंदे यांचे आमदार अब्दुल सत्तार यांच्या नेतृ्त्वाखाली शिवसेनेचा उमेदवार आणि भाजपच्या शिरीष बनकर यांच्या नेतृत्वाखाली उमेदवार मैदानात उतरणार आहे,त्यामुळे या ठिकाणी महायुती फुटली आहे.त्याचसोब या दोघांच्या विरोधात महाविकास आघाडी, वंचित बहुजन आघाडी आणि भारतीय कम्युनिस्ट पक्षानी आपला उमेदवार मैदानात उतरवला आहेत.त्यामुळे नगर परिषदेत तिरंगी लढत होण्याची शक्यता आहे.
advertisement
दरम्यान सर्वच पक्ष प्रचारात दंग असताना तिकडे प्रभाग क्रमांक 11 मध्ये महाविकास आघाडी, वंचित बहुजन आघाडी आणि भारतीय कम्युनिस्ट पक्षाच उमेदवार इरफान खा आमिद खा पठाण यांचे बॅनर फाडल्याची घटना घडली आहे. या घटनेनंतर महाविकास आघाडी व भाकपचे कार्यकर्ते संतप्त झाले आहेत.
सिल्लोड नगर परिषदेत सध्या प्रचार शिगेला पोहोचला आहे. या दरम्यानच प्रभाग क्रमांक 11 मध्ये इरफान खा आमिद खा पठाण यांचे बॅनर फाडल्याची घटना घडली आहे. या घटनेनंतर आता संबंधितांवर कारवाई करण्याची मागणी जोर धरते आहे.
भाकपच्या वॉर्ड नंबर 11 इरफान खा आमिद खा पठाण यांनी प्रचारात आघाडी घेतली आणि लोकांचा त्यांना चांगला प्रतिसाद मिळतो आहे. हे पाहत पठाण यांच्या प्रचाराचे बॅनर फाडल्याची घटना घडली आहे. या घटनेचा भाकपकडून निषेध व्यक्त करण्यात आला आहे.
सिल्लोडमध्ये काही लोक गुंडगिरी करून दबाव तंत्राचा वापर करत दहशत पसरविण्याचं काम करत आहे. प्रभाग क्रमांक 11 मध्ये बॅनर फाडण्यात आला आहे.पोलिसांनी या घटनेची चौकशी करून संबंधितांवर कारवाई करावी,अशी मागणी जोर धरते आहे.