TRENDING:
नंदिनी भंडारी हिची घरची परिस्थिती बेताची आहे. आई अंजू भंडारी या गृहिणी तर वडील दिनेश भंडारी रिक्षा चालवतात. परंतु, मुलीची शिकण्याची जिद्द आणि धाडस बघून आई-वडिलांनी तिला शिकवण्याचा निर्णय घेतला. बारावीनंतर परिस्थितीमुळे तिला पुढे शिकवणं शक्य नव्हतं. परंतु, तिचं खाकी वर्दीचं स्वप्न साकार करण्यासाठी आई-वडिलांनी पुढाकार घेतला.
‘ती’च्यासाठी अशक्य काहीच नाही! लहानपणी क्रिकेटची आवड, लग्नानंतर केलं असं, आता घरात 100 ट्रॉफी, Video
advertisement
नंदिनीला पोलीस भरतीसाठी 12 वीनंतर अकॅडमीमध्ये जायचं होतं. या भागात मुलींना शिक्षणासाठी बाहेर ठेवणं टाळलं जातं. समाजाच्या भीतीपोटी तिच्या आई-वडिलांनी देखील ते धाडस केलं नाही. मात्र तिचे वडील रोज तिला घेऊन अकॅडमीत जात आणि परत घेऊन येत. तिनंही जिद्दीनं अभ्यास आणि सराव करून खाकी वर्दीचं स्वप्न साकार केलं. 2024 मध्ये ती 19 व्या वर्षी कल्याण ग्रामीण भागातील पहिली महिला पोलीस झाली. वडिलांनंतर कुटुंबाची जबाबदारी देखील तिनं आपल्या खांद्यावर घेतली आहे.
ज्या भागात मुलींना शिकवणं अजूनही टाळलं जात होतं. तिथे स्वत: शिकून नोकरी करत नंदिनी वडिलांसह कुटुंबाची जबाबदारी देखील सांभाळत आहे. तिने इथल्या मुलींसमोर एक आदर्श निर्माण केला आहे. गेल्या दोन वर्षांपासून नंदिनीकडे बघून गावातील मुलींना शिक्षणासाठी बाहेर पाठवू लागले आहेत. हेच तिच्या कर्तृत्वाचे मोठं यश असल्याचं नंदिनी सांगते.