Dombivli: सोसायटीच्या परिसरात गाडी लावताय? डोंबिवलीत घडली धक्कादायक घटना, VIDEO समोर

मिळालेल्या माहितीनुसार, डोंबिवली पूर्व येथील नांदिवली पाडा इथं संखेश्वर नगरजवळ असलेल्या गोकुळधाम सोसायटीच्या परिसरात हा संतापजनक प्रकार घडला आहे. रात्रीच्या वेळी स्कुटीवरून आलेल्या दोन अज्ञात इसमांनी उभी असलेल्या मारुती सुझुकी एर्टिगावर पेट्रोल टाकून तिला आग लावली.

[video width="738" height="554" mp4="https://images.news18.com/news18marathi/uploads/2026/03/dombivali-2026-03-59ac200a03eafd41536a54b65b44f69b.mp4"][/video]

पोलिसांनी दिलेल्या माहितीनुसार , गोकुळधाम सोसायटीमध्ये राहणाऱ्या रोहित सरोज यांची ही गाडी होती. सरोज यांची सुमारे १२ लाख रुपये किंमतीची मारुती सुझुकी एर्टिगा VXI(O) CNG ही कार परिसरात नेहमी उभी असते.  ६ मार्च २०२६ रोजी पहाटे 3 वाजण्याच्या सुमारास दोन अज्ञात तरुण स्कुटीवर आले.  त्यानंतर बॉटलमध्ये आणलेलं पेट्रोल कारवर टाकून तिला आग लावून घटनास्थळावरून पळून गेले. गाडीला आग लागल्यानंतर परिसरात एकच खळबळ उडाली. स्थानिकांनी धाव घेऊन गाडीला लागलेली आग विझवली.

हा सगळा प्रकार सीसीटीव्हीमध्ये कैद झाला असून यामध्ये हे दोन्ही तरुण आढळून आाले आहे.  या घटनेमुळे परिसरात भीतीचे वातावरण निर्माण झाले आहे. सरोज यांच्या एर्टिगा गाडीला कुणी आग लावली, कारण काय होतं, याची माहिती अद्याप समोर आली आहे.   संबंधित अज्ञात आरोपींना तात्काळ अटक करण्याची मागणी नागरिकांकडून करण्यात येत आहे. या प्रकरणी रोहित सरोज यांनी पोलीस स्टेशनमध्ये जाऊन तक्रार दाखल केली. पोलिसांनी अज्ञात आरोपींविरुद्ध गुन्हा दाखल करून पुढील तपास सुरू केला आहे.