TRENDING:
अजित पवारांचा पुतळा कुठे उभारला जाणार?
मिळालेल्या माहितीनुसार, बारामतीतील तिरंगा चौकात अजित पवारांचा पुतळा बसवला जाणार आहे. या पुतळ्याची एकूण उंची १५ फूट इतकी असणार आहे. हा पुतळा ब्राँझ धातूचा असणार आहे. सध्या या पुतळ्याची निर्मिती सुरू असून याची पहिली झलक समोर आली आहे. हा पुतळा नेमका कसा असेल? याचा व्हिडीओही आता न्यूज १८ मराठीकडे आला आहे.
advertisement
अजित पवारांचा हा पुतळा उभारलेल्या अवस्थेत असेल. याची उंची १० फूट असणार आहे. तर हा पुतळा उभारण्यासाठी जो चौथरा बांधला जाणार आहे, त्याची उंची पाच फूट असणार आहे. म्हणजेच या पुतळ्याची एकूण उंची १५ फूट इतकी असणार आहे. या पुतळ्याचा व्हिडीओ आता समोर आला आहे. ज्यात लाडकी बहीण योजनेदरम्यान अजित पवारांचं फेमस झालेलं जॅकेटही परिधान केल्याचं दिसत आहे.
विशेष म्हणजे बारामतीच्या तिरंगा चौकात अजित पवारांचा केवळ पुतळाच उभारला जाणार नाही, तर या पुतळ्यासोबतच नटराज नाट्य कलादालनात अजित पवारांच्या दुर्मिळ छायाचित्रांचे म्युझियम देखील तयार केलं जाणार आहे. नटराज कला दालनाचे प्रमुख किरण गुजर यांनी याबाबतची माहिी दिली आहे. अजित पवारांच्या वाढदिवसाच्या दिवशी अर्थात 22 जुलैला 'अजित महोत्सव' देखील भरवला जाणार आहे.