अजितदादांच्या विमान अपघाताचा होणार 'थ्री लेअर' तपास, सगळा कांड समोर येणार, AAIB ॲक्शन मोडमध्ये

तपासाचे 'थ्री लेअर' नेमके काय आहेत?

थ्री लेअर तपासात सगळ्यात आधी तांत्रिक माहितीचे संकलन केलं जाईल. ब्लॅक बॉक्समधील माहितीचे विश्लेषण केलं जाईल. यामध्ये विमानाचा वेग आणि उंची, इंजिनचे तापमान आणि हवेचा दाब, विमानाच्या पंखांची हालचाल, पायलट्समधील अखेरच्या क्षणांचं संभाषण अशा महत्त्वाच्या बाबी तपासल्या जातील.

दुसऱ्या लेअरमध्ये केवळ तांत्रिक डेटावर अवलंबून न राहता, अवशेषांचे प्रयोगशाळेत विश्लेषण केलं जाईल. विमानाचे सुटे भाग, इंजिनचे तुकडे आणि धातूंचे विश्लेषण करून तांत्रिक बिघाड नेमका कधी आणि कसा झाला? याची शहानिशा केली जाईल.

advertisement

तिसऱ्या लेअरमध्ये अंतिम अहवाल आणि निष्कर्ष काढून सर्व माहिती एकत्रित करून अपघाताचा प्राथमिक अहवाल सादर केला जाईल. मात्र, हा अत्यंत संवेदनशील विषय असल्याने अंतिम निष्कर्षापर्यंत पोहोचण्यासाठी बराच कालावधी लागण्याची शक्यता आहे.

तपासाअंती स्पष्ट होणार सत्य

विमान कोसळण्यामागे मानवी चूक होती, तांत्रिक बिघाड होता की हवामानाचा परिणाम, हे या 'थ्री लेअर' तपासाअंती स्पष्ट होईल. AAIB या सर्व प्रकरणाचा अहवाल नागरी विमान महासंचनालयाकडे सोपवणार आहे.