TRENDING:
राज्यभरातील नगरपरिषद निवडणुकीच्या प्रचाराचा शेवटचा टप्पा आरोप आणि प्रत्यारोपाने चांगलाच गाजतोय. या निवडणुकीत महायुतीतील अंतर्गत कलह चांगलाच विकोपाला गेल्याचे चित्र पाहायला मिळत आहे. नाशिकच्या सिन्नर नगरपरिषद निवडणुकीच्या रिंगणात भाजप, अजित पवारांची राष्ट्रवादी आणि ठाकरे यांची शिवसेना एकमेकांच्या समोर उभी ठाकली आहे.
अजित पवारांच्या राष्ट्रवादीचे उमेदवार विठ्ठल राजे उगले यांच्या प्रचारार्थ सिन्नर मध्ये आयोजित सभेत महायुतीचे मंत्री माणिकराव कोकाटे यांनी विरोधी पक्ष असलेल्या ठाकरेंच्या शिवसेनेवर टीका करत असताना मित्रपक्ष असलेल्या भारतीय जनता पक्षावरही सडकून टीका केली.
advertisement
माणिकरावांचा भाजपवर बोचरा वार...
माणिकराव कोकाटे यांनी आपल्या भाषणात भाजपवर हल्ला बोल केला. भाजपने विधानसभा निवडणुकीत माझ्या घरातील व्यक्ती फोडला, आता खासदार राजाभाऊ वाजे यांच्या कुटुंबातील व्यक्ती फोडला. भाजप हा पूर्णपणे बाटलेला पक्ष आहे. फोडा फोडीत भाजपचे आयुष्य चालले असून, निष्ठावंत कार्यकर्ते मात्र घरी बसले आहे अशी जळजळीत टीका कोकाटे यांनी केली. इतकचं नाही तर आपल्याला खोटं बोलता येत नाही, म्हणून माझं खातं बदललं पण मी दादांचा पठ्ठ्या आहे. आपला वादा पक्का आहे असेही कोकाटे म्हणाले.