TRENDING:
त्यांनी काही दिवसांपूर्वी मुंबई आणि दिल्लीत पत्रकार परिषद घेत अजित पवारांच्या अपघाताबाबत विविध शंका उपस्थित केल्या. अजित पवारांचा अपघात हा एका कटाचा भाग असू शकतो. त्यांच्यासोबत घातपात घडल्याचा संशय रोहित पवारांनी व्यक्त केला. या संपूर्ण प्रकरणाचा तपास सध्या सीआयडी आणि डीजीसीएकडून केला जात आहे. घटनेला २० दिवस उलटूनही अद्याप याबाबत काहीच माहिती समोर आली नाही. यामुळे रोहित पवारांनी आता मोठा निर्णय घेतल्याची माहिती आहे.
advertisement
सरकारी तपास यंत्रणा योग्य प्रकारे तपास करत नसल्याने रोहित पवार यांनी अजित पवारांच्या विमान अपघाताचा तपास करण्यासाठी खासगी गुप्तहेर संस्थेशी संपर्क साधल्याची माहिती समोर आली आहे. त्यांनी दादांच्या विमान अपघाताचा तपास करण्यासाठी खासगी संस्थेची मदत घेतली आहे, याबाबतचं वृत्त टीव्ही ९ मराठीने दिलं आहे.
मिळालेल्या माहितीनुसार, रोहित पवार गेल्या आठवड्यात दिल्लीला गेले होते. राजधानी दिल्लीत त्यांनी दोन खासगी गुप्तहेर संस्थांची भेट घेतली. यातील एका गुप्तहेर संस्थेला या अपघाताच्या तपासाचं काम दिलं जाणार असल्याची माहिती समोर आली आहे. सरकारी तपास यंत्रणांवर रोहित पवार यांनी संशय व्यक्त केला होता. त्यानंतर त्यांनी हे खासगी गुप्तहेर संस्थांकडून या अपघाताचा तपास करून घेणार असल्याचं सांगितलं जात आहे.
रोहित पवार यांनी यापूर्वीच अजित पवारांच्या अपघाताबाबत अनेक महत्त्वपूर्ण खुलासे केले होते. अजित पवार मुंबईतून बारामतीच्या दिशेनं येताना नेमकं काय काय घडलं? याच्या प्रत्येक मिनिटांची माहिती रोहित पवारांनी प्रसारमाध्यमांना दिली होती. यात अनेक बारकावे नमूद करण्यात आले होते? शंका उपस्थित करण्यात आली होती. आता अजित पवारांचा अपघात घडून २० दिवस उलटूनही काहीच समोर न आल्याने रोहित पवारांनी या घटनेचा तपास खासगी गुप्तहेर संस्थेकडून करणार असल्याची माहिती समोर आली आहे.