Agriculture News : आता हार्वेस्टरचे व्हा मालक! शेतकऱ्यांना 35 लाखांचे मिळतंय अनुदान, कुठे कराल अर्ज?

छत्रपती संभाजीनगर : ऊसतोड कामगारांची उपलब्धता घटत असताना शेतीतील यांत्रिकीकरणाला चालना देण्यासाठी केंद्र सरकारने महत्त्वाचा निर्णय घेतला आहे. राज्यातील शेतकऱ्यांना अनुदानाच्या माध्यमातून 900 ऊस तोडणी यंत्रे (हार्वेस्टर) उपलब्ध करून देण्याची योजना राबविण्यात येत आहे. भारत सरकारच्या राष्ट्रीय कृषी यांत्रिकीकरण अभियानांतर्गत हार्वेस्टर खरेदीसाठी पात्र शेतकऱ्यांना तब्बल 35 लाख रुपयांपर्यंत अनुदान देण्यात येणार आहे. वाढत्या मजूर टंचाईच्या पार्श्वभूमीवर हा निर्णय ऊस उत्पादकांसाठी दिलासा देणारा ठरणार आहे.