एका चहामुळे कायमची सुटली 7 मित्रांची साथ, काळानं गाठलं अन् चौघांचा डोळ्यासमोर तडफडून मृत्यू

भररस्त्यातच काळाने घाला घातला. जो रस्ता रोजच्या गप्पांचा साक्षीदार होता, तिथेच आज रक्ताचा सडा पडला होता. ज्या मित्रांनी एकमेकांच्या साथीने आयुष्य जगण्याचं वचन दिलं दिलं होतं तिथेच एकमेकांचा शेवटचा श्वास डोळ्यादेखत पाहण्याची वेळ आली. एक भयानक अपघात आणि क्षणात सगळं संपलं.

अमरावतीत अकोला मार्गावर सोमवारी मध्यरात्रीच्या सुमारास भीषण अपघात झाला. अज्ञात वाहनाने कारला जोराची धडक दिली आणि कार तीनदा पलटली. यामध्ये चौघांचा जागेवरच मृत्यू झाला, तर तिघेजण गंभीर जखमी आहेत. या घटनेनं परिसरात हळहळ व्यक्त होत आहे.

advertisement

मोहम्मद तल्हा मोहम्मद अनीस (23), मोहम्मद अनस मोहम्मद सईद (22), अब्दुल अवेज मोहम्मद अकील (23) आणि मोहम्मद अनवेज अब्दुल सलीम (23) अशी मृतांची नावे आहेत. तर मोहम्मद हुजेफा (22), मोहम्मद अशर (21) आणि मोहम्मद अनस (24) हे या अपघातात जखमी झाले असून त्यांच्यावर शहरातील खासगी रुग्णालयात उपचार सुरू आहेत.

हेच 'ते' 5 क्रूर चेहरे, ज्यांनी मित्रासोबत जाणाऱ्या तरुणीवर टाकला हात, अमानुष घटनेनं हादरला महाराष्ट्र!

बडनेरा जुनी वस्तीतील हे सातही मित्र सोमवारी मध्यरात्री एकत्र आले होते. तेव्हा ते मोहम्मद अशर याच्या कारने अकोला नाका परिसरात चहा पिण्यासाठी निघाले होते. आरको गॅरेजजवळ पोहोचले असता मागून आलेल्या भरधाव अवजड वाहनाने कारला धडक दिली. त्यामुळे कार तीन वेळा उलटली आणि यात चौघांचा जागेवरच मृत्यू झाला.

कारचा चुराडा

भरधाव वाहनाच्या धडकेत कार देखील वेगाने उलटली त्यामुळे अपघाताची तीव्रता वाढली. यात कारचा अक्षरश: चुराडा झाला. टायर देखील कारपासून वेगळे झाले. या दुर्दैवी घटनेनं बडनेरा परिसरात शोककळा पसरली आहे. विशी-पंचविशीतील तरुणांच्या अकाली जाण्यानं हळहळ व्यक्त होतेय.