TRENDING:
भरतीच्या जाहिरातीची ऑनलाईन PDF
गेल्या काही दिवसांपासून ऑनलाईन पद्धतीने सुरू झालेल्या भरती प्रक्रियेचा शेवटचा दिवस 31 मार्च 2026 आहे. 31 मार्च 2026 ही ऑनलाईन अर्ज करण्याची आणि ऑनलाईन अर्ज शुल्क भरण्याची शेवटची तारीख देण्यात आलेली आहे. महाराष्ट्र सार्वजनिक आरोग्य विभागाकडून अर्ज भरण्याच्या तारखेमध्ये वाढ करण्यात आलेली आहे. वैद्यकीय अधिकारी गट- अ (मेडिकल ऑफिसर)- MBBS आणि वैद्यकीय अधिकारी गट-अ (मेडिकल ऑफिसर)- विशेषज्ञ अशा दोन रिक्त पदांसाठी भरती होणार आहे.
advertisement
वैद्यकीय अधिकारी गट- अ (मेडिकल ऑफिसर)- MBBS या पदांसाठी 766 रिक्त जागा आहेत. तर, वैद्यकीय अधिकारी गट-अ (मेडिकल ऑफिसर)- विशेषज्ञ पदासाठी 774 रिक्त जागा असणार आहेत. अशा एकूण 1440 रिक्त जागांवर नोकरभरती केली जात आहे. वैद्यकीय अधिकारी गट- अ (मेडिकल ऑफिसर)- MBBS पदासाठी MBBS ची पदवी असणे अनिवार्य असणार आहे. तर, वैद्यकीय अधिकारी गट-अ (मेडिकल ऑफिसर)- विशेषज्ञ पदासाठी वैद्यकीय पदव्युत्तर पदवी/ पदविका किंवा समतुल्य असणे अनिवार्य असेल.
दोन्हीही पदांसाठी 18 ते 38 वर्षाची वयोमर्यादा आहे. 20 मार्च 2026 रोजी उमेदवाराचं नमूद केलेलं वय पूर्ण केलेलं असावं. दरम्यान, मागासवर्गीय आणि आर्थिक दुर्बल घटकातील उमेदवारांना 5 वर्षे सूट मिळणार आहे. खुल्या प्रवर्गातील उमेदवारांना 1000 रूपये परिक्षा शुल्क आहे. तर, मागासवर्गीय, आर्थिक दुर्बल घटक, अनाथ, दिव्यांग, महिला आणि खेळाडू असलेल्या उमेदवारांना 700 रूपये परिक्षा शुल्क आहे. संपूर्ण महाराष्ट्रामध्ये ही नोकरभरती पार पडणार आहे.