TRENDING:
नेमकी घटना काय?
मिळालेल्या माहितीनुसार, बीड जिल्ह्याच्या मांजरसुंबा येथील ज्ञानेश्वर कोकाटे याचे नेकनूर जवळील एका गावातील तरुणीशी प्रेमसंबंध होते. या प्रकरणाची कुणकुण मुलीच्या नातेवाईकांना लागली होती. याच रागातून मुलीच्या कुटुंबीयांनी ज्ञानेश्वरला गाठले. "तू आमच्या घराकडे का येतोस?" असा जाब विचारत त्याला बेदम मारहाण करण्यात आली. केवळ मारहाण करून न थांबता, ज्ञानेश्वरवर चोरीचा खोटा आळही घालण्यात आला होता.
advertisement
मानसिक त्रासातून उचललं टोकाचं पाऊल
भररस्त्यात झालेली मारहाण आणि चोरीचा लावलेला खोटा आरोप यामुळे ज्ञानेश्वर प्रचंड मानसिक दडपणाखाली होता. समाजात आपली बदनामी झाली आणि खोट्या आरोपांमुळे तो खचून गेला होता. याच वैफल्यातून त्याने राहत्या घरी गळफास घेऊन आत्महत्या केली. २३ वर्षीय तरुणाने अशा प्रकारे जीवन संपवल्याने परिसरात हळहळ व्यक्त होत आहे.
चौघांविरुद्ध गुन्हा दाखल
ज्ञानेश्वरच्या आत्महत्येला जबाबदार धरून त्याच्या नातेवाईकांनी दिलेल्या तक्रारीवरून नेकनूर पोलीस ठाण्यात गुन्हा दाखल करण्यात आला आहे. यामध्ये वसंत उंदरे, सचिन उंदरे, अशोक उंदरे आणि प्रेम उंदरे या चार जणांचा समावेश आहे. पोलिसांनी या प्रकरणाची गंभीर दखल घेतली असून, आत्महत्येस प्रवृत्त केल्याप्रकरणी पुढील तपास सुरू केला आहे.