TRENDING:
मिळालेल्या माहितीनुसार, सागर हा क्रिकेट खेळाचा चाहता असून, घरातून बाहेर पडताना त्याच्यासोबत क्रिकेटचे संपूर्ण साहित्य असलेली मोठी किट बॅग होती. त्यामुळे तो सरावासाठी किंवा मित्रांसोबत खेळण्यासाठी गेला असावा, असा अंदाज कुटुंबीयांनी सुरुवातीला व्यक्त केला. मात्र संध्याकाळपर्यंत तो घरी न परतल्याने कुटुंबीयांनी त्याचा शोध घेण्यास सुरुवात केली.
Beed: हळदीच्या दिवशीच घडलं भयंकर, दुकानाला आग अन्.., बीडमध्ये हळहळ
advertisement
सागरचा शोध घेण्यासाठी कुटुंबीयांनी प्रथम नातेवाईक, मित्रपरिवार तसेच ओळखीच्या ठिकाणी चौकशी केली. परिसरातील क्रिकेट मैदानांवर, मित्रांच्या घरी तसेच नेहमी वावरणाऱ्या ठिकाणी विचारपूस करूनही त्याच्याबाबत कोणतीही माहिती मिळू शकली नाही. दिवसेंदिवस वेळ जात असतानाही ठोस माहिती न मिळाल्याने कुटुंबीयांची चिंता अधिकच वाढली आहे.
सागर बेपत्ता होऊन तब्बल बारा दिवस उलटले असून अद्याप त्याचा ठावठिकाणा लागलेला नाही. मुलाच्या अचानक बेपत्ता झाल्यामुळे कुटुंबीय मानसिक तणावाखाली असून, नातेवाईक व परिचितांकडूनही काळजी व्यक्त केली जात आहे. परिसरात या घटनेबाबत चर्चा सुरू असून, नागरिकांमध्येही हळहळ व्यक्त होत आहे.
दरम्यान, सागर साईनाथ जाधव हा कुणाला कुठेही आढळून आल्यास किंवा त्याच्याबाबत कोणतीही माहिती मिळाल्यास नागरिकांनी तात्काळ साईनाथ जाधव यांच्याशी 9011743222 या क्रमांकावर संपर्क साधावा, असे आवाहन कुटुंबीयांच्या वतीने करण्यात आले आहे.