तासभर क्रिकेट खेळायला गेला अन् 12 दिवस झाले तरी परतलाच नाही, बीडच्या ‘त्या’ मुलासोबत काय घडलं?

बीड: क्रिकेट किटची बॅग घेऊन घराबाहेर पडलेला 17 वर्षीय मुलगा 12 दिवसांपासून घरी परतलेला नाही. सागर साईनाथ जाधव असे बीडमधील बेपत्ता असणाऱ्या मुलाचे नाव आहे. नगर रोडवरील पाठक मंगल कार्यालयासमोरील भागात राहणारा सागर 23 जानेवारी रोजी सकाळी साडेसात वाजण्याच्या सुमारास कोणालाही काहीही न सांगता घरातून बाहेर पडला होता. मात्र त्यानंतर तो घरी परतलेला नाही. या घटनेमुळे कुटुंबीयांसह नातेवाईकांमध्ये चिंतेचे वातावरण निर्माण झाले आहे.