TRENDING:
मी काहीही चुकीचे बोललो नसलो तरी शेतकऱ्यांची माफी मागतो. माझ्या शरीरात रक्ताचा शेवटचा थेंब असेपर्यंत मी कधीही शेतकऱ्यांच्याविरोधात बोलणार नाही. परंतु शासनावर टीका करणाऱ्यांच्या विरोधात मी बोललो, असे लोणीकर म्हणाले. माफी मागतानाही आपण काही चुकीचे बोललोच नाही, असा दावा करीत त्यांनी आपली मग्रुरी दाखवली.
माझे काहीही चुकले नाही, तरीही माफी मागतो
advertisement
शेतकऱ्यांच्याविरोधात मरेपर्यंत बोलणार नाही. मी शेतकऱ्यांमुळेच आहे. मात्र राजकीय नेत्यांकडून पैसे घेऊन समाज माध्यांवर मला ट्रोल करणाऱ्या टोळक्यांविरोधात मी बोललो. माझे काहीही चुकले नसतानाही मी एकदा नव्हे तर अनेक वेळा शेतकऱ्यांची माफी मागतो, असे ते म्हणाले. तसेच पिंपळाचे पान जमिनीवर पडले तरी पिंपळगाव जळाल्याचा भास विरोधक निर्माण करतात, असेही लोणीकर म्हणाले.
लोणीकर नेमके काय म्हणाले होते?
तुझ्या बापाला पेरणीला पैसे पंतप्रधान नरेंद्र मोदी यांनी दिले. तुझ्या आईला, बहिणीला आणि बायकोला लाडक्या बहिणीचा पैसे दिले, तुमच्या अंगावरचे कपडे, बूट आणि चपला आम्हीच दिल्या, असे असताना सरकारवर आणि आमच्यावर टीका कशासाठी करता? असे वादग्रस्त वक्तव्य लोणीकर यांनी केले.
जगाच्या पोशिंद्याचा बाप काढणारे बबनराव लोणीकर विकृतीचा कळस- काँग्रेसकडून समाचार
जगाच्या पोशिंद्याला शिवीगाळ करणे हा विकृतीचा कळस आहे. माजी मंत्री, भाजप नेते बबनराव लोणीकर यांची ही मुजोरी सहनशीलतेच्या पलीकडे गेली आहे. बळीराजाला शिव्या देऊन त्यांचा अपमान करणाऱ्या लोणीकरांनी प्रायश्चित करावे, नाहीतर पळता भुई थोडी करू असा इशारा देत, पोशिंद्याचा बाप काढणारे लोणीकर कोण, असा संतप्त सवाल काँग्रेसचे प्रदेशाध्यक्ष हर्षवर्धन सपकाळ यांनी केला आहे.