Vel Amavasya: मराठवाड्यातील गावांमध्ये शुकशुकाट, वेळ अमावस्या कशी होती साजरी?

मराठी महिन्यातील सातवा महिना म्हणजे मार्गशीर्ष महिना. या महिन्यात येणारी अमावस्या कर्नाटक लगत असलेल्या जिल्ह्यांमध्ये तसंच लगतच्या तालुक्यांमध्ये मोठ्या उत्साहात साजरी करण्याची परंपरा मागील अनेक वर्षांपासून आहे. 30 डिसेंबर रोजी असलेली वेळ अमावस्या देखील लातूर, नांदेड भागातील नागरिकांनी मोठ्या उत्साहात साजरी केली. टाका पासून बनवलेलं आंबील आणि तुरीच्या शेंगांच्या दाण्यापासून तसंच शेतातील गवार आणि इतर शेंगांच्या दाण्यापासून बनवलेली भजी या दिवशी विशेष आकर्षण असते. त्याचबरोबर प्रत्येक जण आपापल्या सोयीनुसार, शेतातील रानमेव्याचा बेत आखत असतो. जेवणावेळी पूर्ण झाल्यानंतर शेतातीलच मोठ्या झाडाला झोका बांधून झोका खेळला जातो.

advertisement

सुरुवातीला शेतामध्ये कडब्याची कोप तयार करून त्यामध्ये मातीपासून पाच पांडव बैल तयार केले जातात. त्यांची मनोभावी पूजाअर्चा केली जाते. गावातील मंडळींबरोबरच बाहेरगावी असलेली मंडळी, नोकरदार मंडळी अशा सर्वांचा मेळा या दिवशी शेतामध्ये जमण्याचे पाहायला मिळतो. गावामध्ये एकही व्यक्ती राहत नसल्याने मागील दोन तीन वर्षांमध्ये पोलीस प्रशासनाला दवंडी देऊन घरातील एकाने तरी गावात थांबा, असं आवाहन करण्याची वेळ आल्याचं शिवाजी जाधव यांनी सांगितलं.