छत्रपती संभाजीनगरमध्ये अतिक्रमण हटवताना राडा, अश्रूधुराच्या नळकांड्या फोडल्या; नागरिकांकडून दगडफेक

याबाबत मिळालेली माहिती अशी की,  छत्रपती संभाजी नगर (Chhatrapati Sambhaji Nagar News In Marathi) शहरात मुकुंदवाडी रेल्वे स्टेशन परिसरात असणाऱ्या विश्रांत नगर येथे अनाधिकृत अतिक्रमण करण्यात आले होते. ते काढण्यासाठी महापालिका प्रशासन पोलीसांच्या मोठ्या फौज फाट्यासह दाखल झाले. तेव्हा स्थानिक नागरिकांनी त्याला विरोध करत रस्त्यावरच ठिय्या केला. यावेळी महिला मोठ्या संख्येने या विरोधात उतरले असून जोरदार घोषणाबाजी करण्यात येत आहे.

advertisement

अतिक्रमण काढण्यासाठी महापालिका प्रशासनाने कर्मचाऱ्यांसह 5 ते 6 जेसीबी, अग्निशामक दलाच्या गाड्या सोबतच पोलीस प्रशासनाने देखील दंगल नियंत्रण पथक यांच्यासह मोठा फौज घटनास्थळावर तैनात केला. दरम्यान यावेळी महापालिकेचे अतिरिक्त आयुक्त सौरभ जोशी हे देखील घटनास्थळावर उपस्थित आहे. पोलिसांनी अश्रू धुराच्या नळकांड्या फोडल्या. जमावाला पांगवण्याचा प्रयत्न करण्यात आला. स्थानिक नागरिकांनी दगडफेक केली.

अतिक्रमण हटवत असताना नागरिकांकडून दगडफेक केली गेली. यावेळी नागरिक आणि पोलीस आमने सामने आले होते. जमावाला पांगवण्यासाठी पोलिसांनी सौम्य लाठीचार्ज केला. यावेळी काही नागरिकांनी आपल्या पत्र्याच्या शेडला आगही लावली. दगडफेकीच्या घटनेनंतर पोलीसांचा कडेकोट फौजफाटा तैनात केला आहे.

विश्रांतनगर परिसरात नव्या रस्त्याचं काम केलं जाणार आहे. पण या भागात रस्त्याच्या आजूबाजूला मोठ्या प्रमाणावर अतिक्रमण केले गेले होते. या अतिक्रमणामुळे रस्त्याचे काम रखडले होते. शेवटी महापालिकेकडून कारवाई करत अतिक्रमण हटवण्यात आले.