‎वर्दीतला सुरेल आवाज, नोकरी सांभाळून गातात गाणी, पोलीस अधिकारी अरुण यांचा अनोखा छंद, Video

अरुण वाघ यांचं शालेय शिक्षण गावातच झालं. त्यानंतर उच्च शिक्षणासाठी त्यांना नाशिक येथील बहिणीच्या घरी. मित्रांनी तू छान गातोस त्यामुळे तू गाणं गा असा आग्रह धरला. मात्र अरुण यांना स्टेज डेरिंग नसल्यामुळे त्यांनी नकार दिला. मात्र गाणं गायलं नाही तर आम्ही बोलणार नाही असा दम मित्रांनी दिला. यामुळे मैत्री टिकवण्यासाठी त्यांनी गाणं गाण्यास होकार दिला आणि महाविद्यालयातील या स्पर्धेत त्यांचा दुसरा क्रमांक आला आणि यामुळेच त्यांना त्यांच्यातील गायकाची ओळख झाली. संगीत गुरू जे. आर. पुरी यांच्याकडे त्यांनी प्रशिक्षण घेतलं. मात्र नोकरीच्या वेळ निश्चित नसल्याने त्यांना पूर्ण प्रशिक्षण घेता आलं नाही.