TRENDING:
आता या सगळ्यावर ममता यांचे पती आणि विजय शिवतारे यांचे जावई माजी आयपीएस अधिकारी शिवदीप लांडे यांनी भावनिक प्रतिक्रिया दिली. ममता यांनी आपल्या वडिलांसाठी घेतलेल्या निर्णयाचं त्यांनी कौतुक केलं आहे. त्यांनी लिहिलेल्या पोस्टमध्ये आपल्या आयुष्यातील अनेक संकटांचा उल्लेख करत, मी अनेक कठीण प्रसंगांना सामोरा गेलो, पण तुझ्या एका निर्णयाने मला आतून हलवून टाकलं, असं त्यांनी म्हटलं आहे. त्यांची ही प्रतिक्रिया आता सोशल मीडियावर चर्चेचा विषय ठरत आहे.
advertisement
शिवदीप लांडे यांनी पुढे लिहिले की, गेल्या तीन महिन्यांपासून शस्त्रक्रियेसाठी लागणाऱ्या तपासण्या, कागदपत्रांची प्रक्रिया आणि कायदेशीर अडचणी ममता यांनी एकट्याने सांभाळल्या. त्या सर्व प्रक्रियेत ते फक्त एक साक्षीदार म्हणून उभे होते. देव मुलगी का देतो, याचे उत्तर मला आज मिळाले, असे म्हणत त्यांनी मुलीच्या निःस्वार्थ प्रेमाचे कौतुक केले.
मुलगी ही देवाची सर्वात मोठी देणगी
आयसीयूमध्ये पत्नीच्या शेजारी बसून तिच्याकडे पाहताना भावनांना आवर घालता येत नसल्याचे त्यांनी सांगितले. नात्यांमध्ये अनेकजण साथ सोडू शकतात, पण मुलगी मात्र ठाम उभी राहते, असे ते म्हणाले. ममता शिवतारेंच्या या निर्णयामुळे, मुलगी ही देवाची सर्वात मोठी देणगी आहे, हे पुन्हा अधोरेखित झाले असल्याची भावना त्यांनी व्यक्त केली.