बंदूक जमा करा, अन्यथा डोक्यात गोळ्या घालून... नशेत पोलिसाची वरिष्ठांना धमकी

गोंदिया जिल्ह्यातील नक्षलवाद्यांचा बीमोड करण्यासाठी भारत बटालियनची टीम स्थापन केली होती. यामधील एका जवानाने मद्याच्या नशेत थेट वरिष्ठांना धमकी दिली. या जवानाविरुद्ध सालेकसा पोलिसांनी गुन्हा दाखल केला आहे.

Pune News: बेघरांना मिळणार हक्काचं घर, 1867 घरकुलांना मंजुरी

सुरेश वामनराव साळी (वय 46) असं या जवानाचं नाव आहे. राज्य राखीव पोलीस बल गट क्रमांक-6 धुळे येथील बी. कंपनीच्या प्लाटून क्रमांक- 2 येथे तैनात पोलीस शिपाई सुरेश साळी यांना जिल्हांतर्गत सशस्त्र दूरक्षेत्र पोलीस कॅम्प पिपरीया येथे पोस्ट सुरक्षा बंदोबस्तासाठी तैनात करण्यात आलं आहे. ड्युटीवर गैरहजर राहिल्यामुळे दुसऱ्या दिवशी वरिष्ठांनी त्याला खुलासा सादर करण्यास सांगितलं. मात्र, मला खुलासा का मागितला म्हणून सुरेश साळीचा राग अनावर झाला. संतापाच्या भरात तो आपल्या हातातील बंदूक घेऊन पोलीस उपनिरीक्षक एकनाघ डक यांच्याकडे गेला. माझी रायफल जमा करा नाहीतर रायफलने मी स्वतःचा जीव घेईन, अशी धमकी त्यानं दिली. त्यावेळी तो मद्याच्या नशेत होता.

advertisement

दरम्यान, पोलीस उपनिरीक्षक पूनमचद उत्तमसिंग सुलाने (वय 45) यांच्या तक्रारीवरून सालेकसा पोलिसांनी आरोपीवर महाराष्ट्र दारूबंदी कायदा कलम 85 (1) अन्वये गुन्हा दाखल केला आहे.