राज्यभरात एकीकडे लग्नसोहळ्याची धूम सुरू आहे. अशातच अमरावतीच्या बडनेरामध्ये नवरदेवावरच मित्राने चाकू हल्ला केल्याची धक्कादायक घटना घडली. अमरावती शहरात बडनेरा रोडवर साहिल लॉनमध्ये बुधवारी रात्री ही घटना घडली. आरोपी हा नवरदेवावर चाकू हल्ला करत असतानाचा नवा CCTV व्हिडिओ न्यूज 18 लोकमतच्या हाती लागल आहे.
advertisement
हल्लेखोर राघव बक्षी हा स्टेजवर आला. त्यावेळी नवरदेव सुजल समुद्रे हा वडिलांसोबत इतर जणांसोबत फोटो काढत होते, त्यावेळी राघो स्टेजवर आला आणि त्याने जॅकेटमधून चाकू काढला. काही कळायच्या आता त्याने सुजलच्या मांडीवर चाकूने सपासप ३ वार केले. सुजलवर वार केल्यानंतर राघो पळत सुटला. त्याला पकडण्यासाठी सूजलचे वडील मागे धावले. पण त्याने चाकूचा धाक दाखवून तिथू पळ काढला. हा सगळा थरार लग्नात असलेल्या ड्रोन कॅमेऱ्यात कैद झाला आहे. सुदैवाने हा वार सुजलच्या मांडीवर लागला. त्यामुळे सुजल थोडक्यात बचावला.
डीजे रद्द करण्यावरून झाला होता वाद
दरम्यान, हल्लेखोर राघव बक्षी आणि नवरदेव सुजल समुद्रे हे दोघे शेजारी शेजारी राहणार आहे. दोघेही चांगले मित्र आहे. पण, अचानक दोन दिवसांपूर्वी दोघांमध्ये वाद झाला होता. सुजल समुद्रे याने राघव बक्षी याला लग्नात डीजे आणण्याचं सांगितलं होतं. दोघांमध्ये याबद्दल चर्चा ही झाली होती. पण, अचानक सुजल याने डीजे रद्द केला. त्यामुळे राघव बक्षी हा चिडला. मी समोर डिजेवाल्याला शब्द दिला होता, त्याला आता मला पैसे द्यावे लागतील. माझा हा अपमान झाला आहे, असं म्हणत राघव याने सुजयसोबत दोन दिवसांपूर्वी वाद घातला होता. असंही सांगितलं जात आहे की, सुजल आणि राघव दोघांमध्ये भांडण झालं होतं. त्यावेळी सुजल याने राघवचा मोबाईल फेकून दिला होता. त्याचाही राघवला राग होता. याचाच राग धरून त्याने हे कृत्य केलं असल्याचं सांगितलं जात आहे. हल्ला करून पळून जात असताना त्याला एक अल्पवयीन मुलाने मदत केल्याचंही समोर आलं.
राघववर आधीही गुन्हे दाखल
दरम्यान, राघव बक्षी हा गुन्हेगारी पार्श्वभूमीचा होता. त्याच्यावर याआधीही वेगवेगळ्या पोलीस स्टेशनमध्ये गुन्हे दाखल आहे. सुजलवर हल्ला केल्यानंतर राघव हा फरार झाला आहे. पोलीस त्याचा शोध घेत आहे. राघवला अटक करावी अशी मागणी सुजल समुद्रे यांच्या वडिलांनी केली आहे. तर आरोपी राघव बक्षी याच्यावर बडनेरा पोलिसांनी गुन्हा दाखल केला आहे. आरोपीच्या शोधासाठी पोलिसांचे पथक पाठवण्यात आले असून लवकरच आरोपीला अटक केली जाईल, अशी माहिती पोलीस उपायुक्त गणेश शिंदे यांनी दिली.