TRENDING:
त्यामुळे त्यांच्याकडे दोन महत्त्वाच्या जबाबदाऱ्या कोणाकडे सोपवली जाणार याबाबतची मोठी अपडेट समोर आली आहे.
सामान्य प्रशासन विभागाने अश्विनी भिडे यांच्याकडे मुंबई महापालिका आयुक्तपदाची जबाबदारी देण्यात येत असल्याचा आदेश जाहीर केला. सनदी अधिकारी अश्विनी भिडे या मुख्यमंत्री देवेंद्र फडणवीस यांच्या अतिशय निकटवर्तीय अधिकारी मानल्या जातात. सध्याचे मुंबई महापालिका आयुक्त भूषण गगराणी हे आज, ३१ मार्च २०२६ रोजी सेवानिवृत्त होत आहेत. त्यामुळे अश्विनी भिडे यांना आजच मुंबई महापालिका आयुक्तपदाचा पदभार स्वीकारण्याची सूचना करण्यात आली आहे.
advertisement
अश्विनी भिडे या १९९५ बॅचच्या आयएएस अधिकारी आहेत. मुंबई मेट्रो रेल कॉर्पोरेशन (MMRCL) च्या व्यवस्थापकीय संचालक म्हणून मेट्रो ३ च्या कामात त्यांनी अतिशय महत्त्वाची भूमिका बजावली आहे. तसेच मुंबई महापालिकेच्या अतिरिक्त महानगरपालिका आयुक्त म्हणूनही त्यांनी उल्लेखनीय काम केले. आता मुंबई महापालिकेची धुरा त्यांच्या हाती आली आहे. अश्विनी भिडे या मुंबई महापालिकेच्या पहिल्या महिला आयुक्त असणार आहेत.
अश्विनी भिडे यांच्याकडील मेट्रोसह इतर खात्याचा पदभार कोणाकडे?
आयएएस अधिकारी असलेल्या अश्विनी भिडे यांच्याकडे मुंबई मेट्रो रेल महामंडळासोबत अतिरिक्त पदभार देखील होता.त्याबाबतची सूचना जारी करण्यात आली आहे. अश्विनी भिडे यांच्याकडे खनिकर्म विभागाचा मुख्य सचिव म्हणून अतिरिक्त कार्यभार होता. आता, या विभागाची जबाबदारी आयएएस लोकेश चंद्रा यांच्याकडे सोपवण्यात आली आहे.
अश्विनी भिडे यांच्याकडे 'मुंबई मेट्रो रेल महामंडळा'च्या व्यवस्थापकीय संचालक म्हणून पदभार होता. मुंबई महापालिकेच्या आयुक्तीपदी वर्णी लागल्यानंतरही अश्विनी भिडे यांच्याकडे मुंबई मेट्रोची अतिरिक्त जबाबदारी असणार आहे. राज्य सरकारने आजच्या आदेशात तूर्तास तरी मुंबई मेट्रो रेल महामंडळाची जबाबदारी इतर अधिकाऱ्यांकडे सोपवली नाही. त्यामुळे येत्या काही दिवसात कोणाकडे ही जबाबदारी जाईल, याकडे लक्ष लागले आहे.