TRENDING:
बीडच्या परळीतील व्यापारी महादेव मुंडे यांची दोन वर्षांपूर्वी हत्या झाली होती. या प्रकरणाचा एसआयटी कडून तपास केला जात आहे. नुकतीच या प्रकरणीतील आरोपा वाल्मिक कराडच्या घरी काम करणाऱ्या दोघांसह काही आरोपींची नार्कोटेस्ट देखील करण्यात आली आहे. दरम्यान, 19 फेब्रुवारी रोजी सोमेश्वर नगर परिसरात अभ्यासिकेला जात असताना प्रणव मुंडे याला एका व्यक्तीने मारहाण केली आहे.
advertisement
ज्ञानेश्वरी मुंडे यांनी दिलेल्या माहितीनुसार, त्यांच्या मुलाला दोन दिवसांपूर्वी एका अनोळखी मुलाने काहीही कारण नसताना शिवीगाळ केली. तसंच हातातील कडं फेकून मारलं होतं. या प्रकारामुळे घाबरलेल्या मुंडे कुटुंबीयांनी या प्रकरणाचा तपास करणारे पंकज कुमावत यांना संपर्क साधला तसंच पोलीस अधीक्षकांना देखील अर्ज दिला आहे. याप्रकरणी परळी पोलीस स्टेशनमध्ये आता अज्ञात व्यक्तीच्या विरोधात गुन्हा दाखल करण्यात आला आहे.
वाल्मिकच्या मुलांकडून जीवाला धोका
तसंच, वाल्मीक कराड याच्या टोळीतील काही लोकांना ताब्यात घेतले असून यामुळे वाल्मिक कराड याची मुलं सुशील कराड आणि श्रीगणेश कराड यांच्याकडून माझ्या परिवारातील सदस्य दत्तात्रय मुंडे, अशोक मुंडे, प्रणव मुंडे, पंकज मुंडे, प्रवीण मुंडे आणि माझा भाऊ सतीश फड, वडील भगवान फड यांच्या जीविताला धोका निर्माण झाला आहे. माझ्या परिवारातील या सदस्यांबाबत काही अनपेक्षित घटना घडल्यास सुशील वाल्मिक कराड आणि श्रीगणेश वाल्मिक कराड हे जबाबदार राहतील, असा तक्रार अर्ज ज्ञानेश्वरी मुंडे यांनी बीडचे पोलीस अधीक्षकांना दिला असून आता यावर पोलीस अधीक्षकांनी काय उपायोजना केल्या हे पाहणं महत्त्वाचं ठरणार आहे.