TRENDING:
ही घटना ताजी असताना आता पुन्हा एकदा मनोज जरांगे यांना जीवे मारण्याची धमकी देण्यात आली आहे. सोशल मीडियावर एक फोन कॉलची ऑडिओ क्लिप व्हायरल झाली आहे. ज्यात मनोज जरांगेंना जीवे मारण्याबाबत बोललं जात आहे. ही संवाद मनोज जरांगे समर्थक आणि वाल्मीक कराड समर्थक यांच्यातील असल्याचं संवादावरून स्पष्ट होतं आहे. न्यूज १८ मराठीने या ऑडिओ क्लिपची पुष्टी केली नाही. मात्र हा ऑडिओ सध्या सोशल मीडियावर वेगानं व्हायरल होत आहे.
advertisement
संबंधित रेकॉर्डिंगमध्ये धनंजय मुंडे आणि वाल्मीक कराड म्हणायचे नाही, नसता तुलाही जिवे मारतो असा कथित संवाद आहे. या कॉल रेकॉर्डिंगमध्ये एक व्यक्ती दुसऱ्या व्यक्तीला गोळ्या घालून जिवे मारणार असल्याचे बोलत आहे. त्याचबरोबर पुन्हा धनंजय मुंडे आणि वाल्मीक कराड म्हणायचे नाही, अन्यथा जिवे मारतो अशी धमकी वाल्मीक कराड समर्थकाने जरांगे समर्थकाला दिली. या रेकॉर्डिंगमुळे जालना जिल्ह्यात खळबळ उडाली आहे.
ऑडिओ क्लिपमध्ये नक्की संवाद काय?
जरांगे समर्थक : पाटलांना काय करणार ?
समोरील व्यक्तीः मनोज जरांगे यांना कधी गोळ्या घालायच्या? मी स्वतः गोळ्या घालतो.
जरांगे समर्थक : तू घालणार आहेस का ?
समोरचा व्यक्ती : मी स्वतः घालतो गोळ्या
जरांगे समर्थक : काय करणार आहेस पाटलांना ?
समोरचा व्यक्ती : मी तर मनोज जरांगे यांना जिवेच मारतो.
मनोज जरांगे समर्थक : बरं चालतंय बरं