TRENDING:
मुंबई महानगरपालिकेच्या प्रभाग समितीच्या अध्यक्षपदासाठी बुधवारी अर्ज दाखल केले जाणार आहेत. स्वीकृत नगरसेवकाच्या मुद्द्यामुळे मनसेची ठाकरेंच्या सेनेवर नाराजी आहे. ठाकरेंच्या शिवसेनेचे मुंबई महानगर पालिकेत तीन स्वीकृत नगरसेवक झाले. या पैकी एक नगरसेवक आमचा असावा, अशी मनसेची अपेक्षा होती. मात्र स्वीकृत नगरसेवक पद न दिल्यामुळे काही प्रभाग समितीचे अध्यक्षपद ठाकरेंच्या शिवसेनेकडून मनसेला देण्यात येणार होते, अशी माहिती होती. मात्र यासंदर्भात शिवसेनेकडून कोणतीही पावले न टाकल्याने मनसेने निवडणुकीत तटस्थ राहण्याची ठाम भूमिका घेतली.
advertisement
मुंबई महापालिकेच्या निवडणुकीत मनसेने सहा नगरसेवक निवडून आले आहेत. मनसेने तटस्थ राहण्याची भूमिका घेतल्यास उद्धव ठाकरे यांच्या शिवसेनेला धक्का बसू शकतो. त्यामुळे निवडणुकीत मोठा उलटफेर होऊन पुढची समीकरणे बदलणार आहेत.
कोणत्या प्रभाग समितीवर येणार कोणाची सत्ता? काय आहेत आकडे?
१) ए बी इ - महाविकास आघाडी
२) सी डी - महायुती
३) एफ दक्षिण एफ उत्तर - महाविकास आघाडी (मनसे तटस्थ राहिली तर समसमान)
४) जी दक्षिण - महाविकास आघाडी
५) जी उत्तर - महाविकास आघाडी
६) एच पूर्व एच पश्चिम - आघाडी
७) के दक्षिण - महायुती
८) के उत्तर - महाविकास आघाडी (मनसे तटस्थ राहिली तरी महाविकास आघाडीचा अध्यक्ष)
९) के पश्चिम - महायुती
१०) पी दक्षिण - महायुती
११) पी पूर्व पी पश्चिम - आघाडी (मनसे तटस्थ राहिली तरी महाविकास आघाडीचा अध्यक्ष)
१२) आर दक्षिण - महायुती
१३) आर मध्य आर उत्तर - महायुती
१४) एम पूर्व - एम आय एम
१५) एम पश्चिम - महायुती
१६) एस व टी - समसमान सदस्य (मनसे तटस्थ राहिली तर महायुतीचा अध्यक्ष)
१७) एल - महाविकास आघाडी
१८) एन - महायुती