बेस्ट पतसंस्थेतील विजयानंतर भाजपने आक्रमक सूर लावला आहे. या निवडणुकीत शशांक राव यांच्या बेस्ट वर्कर्स युनियनच्या पॅनलने 14 जागा तर महायुती समर्थित 'सहकार समृद्धी' पॅनलने 7 जागांवर विजय मिळवला. ठाकरे गट-मनसेच्या पॅनलचा धुव्वा उडाला.
बेस्ट पतसंस्थांच्या निवडणुकीत ठाकरे बंधूंच्या युतीला आव्हान देणारे भाजप आमदार प्रसाड लाड यांनीदेखील ठाकरे गट आणि मनसेला जोरदार टोला लगावला आहे. 'जागा दाखवली', असे म्हणतं लाड यांनी एक पोस्ट केली आहे.
advertisement
भाजप प्रवक्ते केशव उपाध्ये यांनी एक्सवर टोला लगावला. आपल्या पोस्टमध्ये त्यांनी लिहिलं की, “एकाकडे गमावण्यासाठी काहीच उरलेलं नाही आणि दुसऱ्याकडे कमावण्यासाठी काहीच शिल्लक नाही. अशी दोन शून्ये एकत्र आली तरी कितीही शून्ये जोडली, तरी उत्तर शून्यच येणार, हे शाळा न गेलेल्या मुलांनाही माहित असतं. पण ज्यांनी हा हिशोब ओळखला नाही, त्यांना आता 'बेस्ट पतपेढी' निवडणुकीत उत्तर मिळालं असल्याचा बोचरा वार केला.
कालपर्यंत जे दोन शून्ये आपली किंमत ठरवण्याचा गर्व करत होते, आज त्यांनाच त्यांची खरी किंमत समजली असल्याचा टोला त्यांनी लगावला.