TRENDING:
महाड नगर परिषद निवडणुकीदरम्यान राष्ट्रवादी आणि शिवसेना कार्यकर्त्यांमध्ये जोरदार हाणामारी झाली, ज्यामुळे परिसरात तणाव निर्माण झाला होता. नवे नगर परिसरात मतदान सुरू असताना अचानक शिवसेना आणि राष्ट्रावादीतील कार्यकर्त्यांच्या गटात हाणामारी झाली होती. माजी नगराध्यक्षा स्नेहल जगताप गटाचे नेते सुशांत जाबरे आणि शिंदेंच्या शिवसेनेचे नेते भरत गोगावले यांच्या कार्यकर्त्यांमध्ये राडा झाला. या राड्याप्रकरणी गोगावले यांच्या मुलावर, पुतण्यावर गुन्हा दाखल झाला. पोलीस त्याचा शोध घेत आहेत, मात्र विकास गोगावले अजूनही पोलिसांच्या हाताला लागलेला नाही.
advertisement
राज्य सरकारने भूमिका स्पष्ट करावी
आरोपींना अटक करण्यात आलेल्या अपयशावर मुंबई उच्च न्यायालयाकडून नाराजी व्यक्त करण्यात आली. माननीय मुख्यमंत्री इतके असहाय्य आहेत की त्यांना त्याबाबत काहीही करता येत नाही, असा बोचरा सवाल मुंबई उच्च न्यायालयाने विचारला.
महाराष्ट्रातील कायद्याचे राज्य प्रतिकूलरित्या प्रभावित, न्यायालयाचे गंभीर निरीक्षण
आपला मुलगा फरार बसून आपल्या संपर्कात असल्याचे भरत गोगवलेंचे वक्तव्य देखील मुंबई उच्च न्यायालयात सादर करण्यात आले. सरकार कोणालाही २४ तासात अटक करू शकते जेव्हा त्यांना अटक करायची नसते तेव्हा ते प्रतिज्ञापत्र सादर करतात. महाराष्ट्रातील कायद्याचे राज्य प्रतिकूलरित्या प्रभावित झाल्याचे गंभीर निरीक्षण उच्च न्यायालयाने नोंदवले. राज्य सरकारने संध्याकाळी पाच वाजेपर्यंत भूमिका स्पष्ट करण्याचे आदेश मुंबई उच्च न्यायालयाने दिले.