वडिलांचे कर्ज फेडण्यासाठी लेक उतरली मैदानात, करतीये दूध विक्री व्यवसाय, मोनाच्या जिद्दीचा प्रवास! Video

मोना नरोटे हिला शिक्षणाची प्रचंड आवड होती, मात्र घरची परिस्थिती अत्यंत बेताची असल्याने तिला केवळ 12 वी पर्यंतच शिक्षण घेता आले. चार बहिणींची जबाबदारी आणि वडिलांची ओढाताण पाहून मोनाने लहानपणापासूनच त्यांना कामात मदत करण्यास सुरुवात केली होती. घराला हातभार लागावा म्हणून तिने काही काळ खासगी नोकरीही केली, मात्र कौटुंबिक जबाबदाऱ्यांमुळे तिला त्यात सातत्य ठेवता आले नाही.

सध्या नाशिकमध्ये कडाक्याची थंडी वाजत आहे. या संधीचे सोने करत मोनाने आपल्या केंद्रावर केशर मसाला दूध विक्रीला सुरुवात केली आहे. तिच्या हाताची चव आणि प्रामाणिक कष्ट यामुळे अल्पावधीतच 'जय हरी मसाला दूध सेंटर' नाशिककरांच्या पसंतीस उतरले आहे. या व्यवसायातून मिळणाऱ्या नफ्यातून ती आता वडिलांच्या खांद्याला खांदा लावून कर्जाचा भार हलका करत आहे.