'अंधारात खेळ नाही जमत,आता पोलिसांना घेऊन पैसे वाटतो' BJP आमदार कुचेंची Audio क्लिप व्हायरल; VBA चा कार्यकर्ताही आला समोर

छत्रपती संभाजीनगर : छत्रपती संभाजीनगर महापालिकेची निवडणूक पार पडली. पण, ही निवडणूक गाजली ती प्रभाग क्रमांक २४ मध्ये झालेल्या वादामुळे. वंचित बहुजन आघाडीने भाजपचे आमदार नारायण कुचे यांच्यावर गंभीर आरोप केले होते. त्यानंतर आता  भाजपचे आमदार नारायण कुचे यांची एक ऑडिओ क्लिप व्हायरल झाली आहे. या क्लिपमध्ये कुचे यांनी पैसै वाटण्याबद्दल संवाद केला होता. कुचे यांनी ही क्लिप नाकारली आहे पण वंचित आघाडीच्या कार्यकर्त्याने मात्र,  माझं बोलणं झालं होतं ही क्लीप सत्य आहे, असा दावा केला आहे.

- कार्यकर्ता - कुचे साहेब, हॅलो हॅलो

दरम्यान, "मी अजिबात असं कधी बोललेलो नाही. मोडतोड करून ही ऑडिओ क्लिप तयार करण्यात आलेली आहे. ऑडिओ क्लीपचा माझा काहीही संबंध नाही. विरोधी पक्षाला पराभव जिव्हारी लागल्यामुळे मला बदनाम करण्याचा प्रयत्न सुरू आहे, असा दावाचा कुचे यांनी केला.

भाजपाचे आमदार नारायण कुचे यांची एक ऑडिओ क्लिप वंचित बहुजन आघाडीचे अजय म्हस्के यांनी व्हायरल केली होती. "ही ऑडिओ क्लिप माझी नसून ती बनवण्यात आली असल्याचं दावा आमदार नारायण कुचे यांनी केला होता. पण, 'ही ऑडिओ क्लिप आमदार नारायण कुचे यांचीच आहे, आमचे संबंध चांगले असल्याने मी त्यांना फोन केला होता. भर दिवसा पैसे वाटप करू नका, मात्र त्यांनी उलट उत्तर दिली. पोलीस अधिकाऱ्यांना सोबत घेऊन पैसे वाटतो, असंही ते म्हणाले होते. जर, संशय असेल तर, "माझा सीडी आर तपासावा, मी सतत नारायण कुचे यांच्यासोबत बोलत असतो. त्यांच्याच नंबरवर मी बोललो आहे, ही रेकॉर्डिंग सत्य आहे. असं व्हायरल रेकॉर्डिंगमध्ये बोलणाऱ्या कार्यकर्ता अजय म्हस्के याने सांगितलं आहे.