Thar कशाला घेता? थेट Audi चं घेऊन टाका! येतेय सगळ्यात स्वस्त आणि मस्त A2 Car

Audi A2 ही एक हॅचबॅक कार असून 1999 मध्ये पहिल्यांदा लाँच करण्यात आली होती. ही कार कमी इंधन आणि हलक्या वजनामुळे स्पेशल अशीच होती. त्यामुळे या कारची विक्रीही सर्वाधिक होती. आता Audi पुन्हा एकदाा A2 हे नाव वापरून इलेक्ट्रिक कार घेऊन येत आहे.  पण ही A2 कार इलेक्ट्रिक प्लॅटफॉर्मवर बेस असणार आहे.  A2 फॉक्सवॅगनच्या Volkswagen) MEB प्लॅटफॉर्मवर तयार केली जाणार आहे, ज्यावर सध्या अनेक इलेक्ट्रिक गाड्या बनवल्या जात आहेत. ही कार हॅचबॅक आणि क्रॉसओव्हरचं मिश्रण असणार आहे. जी Audi ची एंट्री लेव्हल मॉडेल असेल.

Audi A2 ची किंमत कंपनीने अजून जाहीर केली नाही. पण, ही एक इलेक्ट्रिक कार असल्यामुळे आतामध्ये भरपूर असा स्पेस असणार आहे. केबिनमध्ये चांगली जागा मिळणार आहे. बॅटरी आणि रेंजही उत्तम मिळणार आहे. फिचर्सची माहिती अद्याप कंपनीने उघड तर केली नाही, पण ही ऑडीची आतापर्यंतची सगळ्यात स्वस्त अशी कार राहणार आहे. मिळालेल्या माहितीनुसार, या कारची किंमत जवळपास ३० लाख रुपये असण्याची शक्यता आहे.

Audi A2 ही नवीन इलेक्ट्रिक कार लवकरच लाँच होण्याच्या तयारीत आहे. आता प्रश्न असा आहे की, भारतात कधी लाँच होणार? भारतात Audi ची मागणी ही एका क्लासपर्यंत मर्यादीत आहे. पण, Audi A2 ही आता कमी किंमतीत भारतात लाँच होणार आहे. याआधी Audi Q2 ही सगळ्यात स्वस्त अशी कार होती. पण, कालांतराने ती बंद झाली. भारतात फार अशी हॅचबॅकची मागणी नाही. त्यामुळे ती बंद झाली. आता याच लाईनअपमध्ये Audi A2 येणार आहे. सध्या युरोप आणि काही निवडक देशांमध्ये ही कार लाँच होणार आहे.