TRENDING:
आता या प्रकरणावर भाजपचे नेते आणि मंत्री चंद्रशेखर बावनकुळे यांनी प्रतिक्रिया दिली आहे. या प्रकरणात पार्थ पवार यांना क्लीन चिट मिळाली नाही. क्लीन चिट दिल्याच्या बातम्या चुकीच्या आहेत. याबाबतचा अहवाल पुढील आठवड्यात अहवाल येईल. त्यानंतर आम्ही कारवाई करू, असं बावनकुळेंनी म्हटलं आहे. ते छत्रपती संभाजीनगरमध्ये पत्रकारांशी बोलत होते.
पार्थ पवारांना मिळालेल्या कथित क्लीन चीट बाबत विचारलं असता बावनकुळे म्हणाले, " याबाबतचा कुठलाही अहवाल अजूनही सरकारकडे आलेला नाही. अहवाल सरकारकडे नाही. खारगे समितीला 8 दिवसाची मुदत वाढ दिली आहे. 8 दिवसाच्या आत मध्ये अंतिम अहवाल माझ्याकडे येईल."
advertisement
मुंढवा परिसरातील जमीन गैरव्यवहार प्रकरणात सुरुवातीपासूनच अनेक मोठी नावे चर्चेत होती. तपासादरम्यान पार्थ पवार आणि दिग्विजय पाटील यांच्यावरही संशय व्यक्त करण्यात आला होता. मात्र आर्थिक गुन्हे शाखेने सखोल तपासानंतर दाखल केलेल्या दोषारोपपत्रात या दोघांविरोधात कोणतेही आरोप सिद्ध न झाल्याचे स्पष्ट झाले आहे. परिणामी, या प्रकरणात शीतल तेजवाणी हिच्यावरच सर्व आरोप ठेवण्यात आले आहेत.
चार्जशीटनुसार, जमीन व्यवहारात नियमबाह्य कागदपत्रे, आर्थिक फसवणूक आणि गैरमार्गाने लाभ मिळवण्याचे आरोप शीतल तेजवाणीवर करण्यात आले आहेत. तपासात मिळालेल्या पुराव्यांच्या आधारे तिच्याविरोधात विस्तृत स्वरूपात दोषारोपपत्र दाखल करण्यात आल्याचे पोलिसांनी स्पष्ट केले आहे.