TRENDING:
मिळालेल्या माहितीनुसार, एक अल्पवयीन मुलगा भरधाव मारूती कार घेऊन निघाला होता.या दरम्यान वाटेतच एक महिला रस्ता ओलांडत होती. मात्र मारूती कार चालकाचा गाडीवरून नियंत्रण सुटल्याने त्याने महिलेला उडवल्याची घटना घडली आहे. राधे मंगलम हॉल समोरून स्वरूप नगरकडे जाणाऱ्या रस्त्यावर हा अपघात घडला आहे.
advertisement
या घटनेनंतर अपघातग्रस्त महिलेला तातडीने जवळच्या खाजगी रुग्णालयात दाखल करण्यात आले होते. तसेच महिलेची प्रकृती कशी आहे?याची अद्याप माहिती मिळू शकली नाही आहे. या अपघाताची माहिती मिळताच प्रताप नगर पोलीस स्टेशनचे पथक घटनास्थळी दाखल होते. यावेळी प्राथमिक तपासात कार अल्पवयीन मुलगा चालवत असल्याचे निष्पन्न झाले असून पोलिसांनी चालकाला ताब्यात घेतले आहे.तसेच वाहन चालकाची व पालकांची जबाब नोंदविण्याची प्रक्रिया सुरू आहे.या घटनेचा पुढील तपास प्रतापनगर पोलिसांकडून सुरू आहे.