TRENDING:
हभप मधुकर महाराज हे मराठा सेवा संघाच्या संत नामदेव तुकाराम वारकरी परिषदेचे प्रदेश उपाध्यक्ष म्हणून कार्यरत होते. मंगळवारी सिडको परिसरात आयोजित वारकरी परिषदेच्या महत्त्वपूर्ण बैठकीसाठी ते आले होते. ही बैठक आटोपून सायंकाळी ६ वाजेच्या सुमारास ते आपल्या दुचाकीवरून गावी परतत होते. सिडकोतील रुबी हॉटेलजवळ पोहोचले असता, पाठीमागून येणाऱ्या एका अनियंत्रित हायवा ट्रकने त्यांच्या दुचाकीला चिरडले. हा अपघात इतका भीषण होता की, महाराजांचा जागीच मृत्यू झाला.
advertisement
नांदेडमधील जड वाहतुकीचा प्रश्न ऐरणीवर
या घटनेनंतर स्थानिक नागरिकांमध्ये तीव्र संताप पाहायला मिळत आहे. नांदेड शहरात जड वाहतुकीवर बंदी असतानाही, सिडको आणि हडको भागात रेती वाहतूक करणाऱ्या ट्रकची मोठ्या प्रमाणात रेलचेल सुरू असते. विशेषतः ग्रामीण पोलीस ठाण्याच्या हद्दीत अशा भरधाव ट्रकमुळे अनेक निष्पाप नागरिकांचे बळी गेले आहेत. त्यामुळे रेअशा वाहनावर कायमस्वरूपी बंधन आणावे अशी मागणी सर्वसामान्य जनतेतून होत आहे.
हभप मधुकर महाराज बारूळकर यांनी गेल्या अनेक वर्षांपासून वारकरी परिषदेच्या माध्यमातून समाजाला संघटित करण्याचे काम केले होते. त्यांच्या निधनाने प्रबोधन क्षेत्रातील एक अभ्यासू व्यक्तिमत्व हरपल्याची भावना व्यक्त केली जात आहे.