धक्कादायक! हसला म्हणून तरुणाचे दोन्ही हात मनगटापासून छाटले; नांदेडमधील प्रकारानं खळबळ

हसण्यावरून वाद 

घटनेबाबत अधिक माहिती अशी की,  शुल्लक कारणावरुन एका फळ विक्रेत्याने भाजीपाला विकणाऱ्या तरुणाचे कोयत्याने मनगटापासून दोन्ही हात छाटले आहेत. नांदेड शहरातील डी मार्ट परिसरात ही घटना घडली. मोहम्मद अजहर असं जखमी तरुणाचं नाव आहे. मोहम्मद अजहर हा भाजीपाला विक्रीचा व्यवसाय करतो. त्याच्याच शेजारी मोहम्मद तोहीद हा तरुण देखील हातगाड्यावर फळ विक्री करत होता. यावेळी हसण्याच्या कारणावरुन दोघांमध्ये वाद झाला.

advertisement

त्यातुन दोघात मारमारी झाली. त्यानंतर आरोपी मोहम्मद तोहीद याने बाजारातून कोयता खरेदी करुन त्याला धार लावली. परत तो बाजारात आला. काही क्षणातच त्याने मोहम्मद अजहर मोहम्मद अजीज याचे कोयत्याने मनगटापासून दोन्ही हात छाटले. तो एवढ्यावरच थांबला नाही तर त्याने त्याच्या पायावर आणि पाठीवर देखील कोयत्याने वार केले. या घटनेत हा तरुण गंभीर जखमी झाला आहे. त्याला उपचारासाठी रुग्णालयात दाखल करण्यात आलं आहे. या प्रकरणात गुन्हा दाखल करण्यात आला असून, फरार आरोपीचा शोध सुरू असल्याची माहिती पोलिसांकडून देण्यात आली.