TRENDING:
मिळालेल्या माहितीनुसार, संबंधित अल्पवयीन मुलगी गंगापूर रोड परिसरात सकाळी धावण्यासाठी गेली होती. यावेळी दुचाकीवरून आलेल्या हिमांशू झा याने तिची छेड काढली. हा प्रकार घडल्यानंतर पीडित मुलगी घाबरून न जाता तिने घडलेला सर्व प्रकार मोबाईलमध्ये रेकॉर्ड केला आणि तो सोशल मीडियावर पोस्ट केला. नाशिकमध्ये मुली सुरक्षित आहेत का? असा सवाल करत तिने नाशिक पोलिसांकडे मदत मागितीली होती.
advertisement
सोशल मीडियावरील व्हिडीओ व्हायरल
हा व्हिडीओ वाऱ्यासारखा सोशल मीडियावर व्हायरल झाला. नेटिझन्सनी नाशिक पोलिसांना टॅग करत आरोपीवर कठोर कारवाईची मागणी केली. घटनेचे गांभीर्य ओळखून पोलीस आयुक्त आणि वरिष्ठ अधिकाऱ्यांनी तपासाचे आदेश दिले. गंगापूर पोलिसांनी तातडीने घटनास्थळाचे सीसीटीव्ही फुटेज तपासले. मुलीने दिलेल्या वर्णनानुसार आणि दुचाकीच्या नंबरवरून पोलिसांनी हिमांशू झा याला निष्पन्न केले आणि त्याला बेड्या ठोकल्या.
आरोपीवर 'पोक्सो' अंतर्गत गुन्हा
अल्पवयीन मुलीची छेड काढल्याप्रकरणी आरोपी हिमांशू झा याच्यावर 'पोक्सो' (POCSO) कायद्यासह विनयभंगाचा गुन्हा दाखल करण्यात आला आहे. कायद्याचे शिक्षण घेणाऱ्या तरुणानेच अशा प्रकारचे कृत्य केल्याने नाशिकमध्ये आश्चर्य आणि संताप व्यक्त केला जात आहे. पोलिसांनी दाखवलेल्या या तत्परतेमुळे सर्वसामान्य नाशिककरांनी पोलिसांचे कौतुक केले आहे.