नाशिक : सर्वांच्या लाडक्या बाप्पाचे थाटामाटात, ढोलताशाच्या गजरात सर्वत्र आगमन झाले आहे. तसेच यावेळी ढोलपथकांची वाढती संख्या पाहून आगामी बाप्पाच्या विसर्जन मिरवणुकीत ढोल पथकांवर काही नियम लावण्यात आले आहे. तसेच या नियमांचे पालन न केल्यास कारवाई केली जाणार आहे. नाशिकचे पोलीस उपायुक्त किरणकुमार चव्हाण यांनी याबाबत माहिती दिली.
गणरायाच्या विसर्जन मिरवणुकीत ढोल पथकांचा मोठा साहभाग असतो. यात एक पथकाच्या चार रांगा केलेल्या असतात. यामुळे गणेश मंडळ लवकर पुढे सरकत नसल्याच्या तक्रारीत वाढ होते आहे. तसेच ढोल पथकात महिलांसह 5 ते 30 वर्षाच्या तरुण-तरुणीही मोठ्या प्रमाणात दिसतात. यावेळी काही गैरकृत्य होऊ नये, यासाठी नाशिक पोलीस दलान ढोलपथकासाठी काही नियम केले आहेत. तसेच या नियमांचे पालन करणे सर्वाना बंधनकारक ठरणार आहे.
advertisement
बीडच्या शेतकऱ्याची कमाल! रेशीम शेती करत 1 एकरातून वर्षाला 6 लाखांची कमाई, VIDEO
आगामी गणेश विसर्जनाच्या दिवशी भद्रकालीतील वाकडी बारव येथून मुख्य मिरवणुकीला सुरुवात होते. त्यात विविध देखावे आणि आरास असतात. त्याचबरोबर ढोलपथक आणि लेझीम पथकसुद्धा यावेळी आपल्या कलेचे प्रदर्शन करीत असतात. परंतु हे करत असताना कुठल्याही प्रकारे वाहतूक कोंडी आणि सामान्य नागरिकांना अडचण होणार नाही, याची काळजी घ्यावी.
ST च्या ताफ्यात येणार 5 हजार नवीन बस, पैकी 1310 असणार भाडेतत्त्वावर, कशी असेल नेमकी प्रक्रिया
अनके मंडळ दोरखंड वापरतात. त्याचा वापर टाळावा आणि केल्यास येणाऱ्या आणि जाणाऱ्या अशा दोघी बाजूस जागा सोडावी. तसेच कुठल्याही मंडळांनी बेशिस्तपणे कृत्य केले अथवा पथकाने कुठलेही नियम तोडल्यास पथकाच्या प्रमुखावर योग्य कारवाई करण्यात येणार आहे. मिरवणुकीत एका पॉईंटवर केवळ 50 वादक वाद्य वाजवतील आणि 20 मिनिटंपेक्षा जास्त वेळ परवानगी राहणार नाही.
तसेच पथकाचे वाद्य वाजवताना फक्त 4 रंग असणार आहेत. मार्गावरील स्वागत मंडपावर वाद्यपथके थांबणार नाही, अशा सूचना नाशिक पोलीस उपायुक्तांनी नाशिकमधील सर्व ढोल पथकांना केल्या आहेत.