सूर्याचा जळगाववर कहर! एका दिवसात तापमानाचा विक्रम मोडला; तज्ज्ञांनी दिला हा धोक्याचा इशारा

पुढील २४ तास महत्त्वाचे!

हवामान विभागाने वर्तवलेल्या अंदाजानुसार, ही उष्णतेची लाट इथेच थांबणारी नाही. येत्या २४ तासांत तापमानाचा पारा आणखी २ ते ३ अंशांनी वाढण्याची दाट शक्यता आहे. म्हणजेच, जळगावचा पारा लवकरच ३८ अंशांचा टप्पा ओलांडू शकतो. मार्चच्या सुरुवातीलाच जर ही स्थिती असेल, तर एप्रिल आणि मे महिन्यात जळगाव 'भट्टी'सारखं तापण्याची भीती व्यक्त केली जात आहे.

advertisement

नागरिकांच्या आरोग्यावर परिणाम

दिवसा वाढलेलं कमाल तापमान आणि रात्रीचं किमान तापमान यातील झपाट्याने होणारा बदल आरोग्यासाठी हानिकारक ठरू शकतो. दुपारच्या वेळी रस्ते ओस पडू लागले असून, उन्हाच्या तीव्र झळा आता जाणवू लागल्या आहेत. वाढत्या उन्हामुळे डिहायड्रेशन आणि उष्माघाताचा धोका वाढला आहे.

तज्ज्ञांचा मोलाचा सल्ला

वाढत्या उष्णतेपासून बचाव करण्यासाठी तज्ज्ञांनी नागरिकांना महत्त्वाच्या सूचना दिल्या आहेत. कामाशिवाय दुपारच्या उन्हात बाहेर पडणे टाळा. बाहेर जाताना डोक्याला पांढरा रुमाल किंवा टोपी वापरा. अंग पूर्ण झाकले जाईल, असे सुती आणि सैल कपडे परिधान करा.

शरीरातील पाण्याचे प्रमाण कमी होऊ देऊ नका. भरपूर पाणी, लिंबू सरबत किंवा ताकाचे सेवन करा. जळगावचा पारा ज्या वेगाने वाढत आहे, ते पाहता प्रशासनाकडूनही नागरिकांना खबरदारी घेण्याचे आवाहन करण्यात येत आहे.