TRENDING:
सिंहस्थ कुंभादरम्यान नाशिक आणि त्र्यंबकेश्वरमध्ये देशासह जगभरातून करोडो भाविक येण्याची अपेक्षा आहे. दैनिक भास्करला दिलेल्या मुलाखतीत कुंभमेळा आयुक्त शेखर सिंह यांनी ही माहिती दिली. मुलाखतीदरम्यान शेखर सिंह यांनी माहिती दिली की, " आतापर्यंत आखाडे पारंपरिक कुशावर्त तीर्थक्षेत्रावर लोकं शाही स्नान करायचे. तिथली मर्यादित जागा आणि गर्दीवर नियंत्रण ठेवण्यात येणाऱ्या अडचणींमुळे, कुशावर्तापासून सुमारे 1 किमी अंतरावर असलेल्या त्र्यंबकेश्वरमध्ये एक नवीन घाट बांधला जात आहे. या घाटावर तीन नवीन तलाव बांधले जातील. तिथे गोदावरी नदीचे शुद्ध पाणी आणण्याची तयारीही सुरू आहे. नवीन घाटांवर ध्वजारोहणही केले जाईल. ऑक्टोबर 2026 च्या अखेरीपासून सुरू होणार्या कुंभमेळ्यासाठी नियोजन केले जाणार आहे. "
advertisement
शेखर सिंह यांनी शेवटी दिलेल्या माहितीनुसार, "साधुग्रामचे क्षेत्र पूर्वी झालेल्या कुंभांपेक्षा यंदा चार पटीने मोठे असणार आहे. सुमारे 377 एकर जमीन संपादित करण्याची प्रक्रिया अंतिम टप्प्यात आहे. सिंहस्थ उत्सवाचा कालावधी अंदाजे 18 महिने चालणार आहे. गर्दीच्या काळात, अंदाजे दीड कोटी भाविक नाशिकला आणि सुमारे 75 लाख भाविक त्र्यंबकेश्वरला भेट देतील अशी अपेक्षा आहे. खाजगी वाहने शहरापासून सुमारे तीन किलोमीटर अंतरावर पार्क करावी लागतील. यानंतर भाविकांना प्रशासनाच्या बस सेवेचा वापर करता येईल." सध्या नाशिक महापालिकेकडून आणि राज्य सरकारकडून अनेक ठिकाणी मोठ्या प्रमाणावर विकास कामे सुरू आहेत. यामुळे मोठ्या प्रमाणावर दोन्हीही शहरांचा कायापालट होताना पाहायला मिळत आहे.