भाजप प्रदेशाध्यक्ष आमदार रविंद्र चव्हाण यांच्या नेतृत्वाखाली पक्ष प्रवेश सोहळा आज दुपारी 3 वाजता भाजप प्रदेश कार्यालयात मोठ्या उत्साहात पार पडणार आहे. सुत्रांनी दिलेल्या माहितीनुसार, शरद पवार गटाचे अनेक महत्त्वाचे माजी नगरसेवक, महिला आघाडीच्या पदाधिकाऱ्यांसह शेकडो कार्यकर्त्यांनी एकमुखाने भाजपात प्रवेश करणार आहेत. यामध्ये पक्षाची मोठी ताकद उल्हासनगर महापालिका क्षेत्रात वाढताना पाहायला मिळणार आहे.
advertisement
या पक्ष प्रवेशामुळे उल्हासनगर परिसरातील राजकीय समीकरणे बदलण्याची शक्यता असून शरद पवार गटासाठी हा मोठा धक्का मानला जात आहे. भाजप प्रदेशाध्यक्ष रविंद्र चव्हाण यांच्या नेतृत्वाखाली पक्षाने जिल्हास्तरावर संघटनात्मक बळकटी करण्याचे धोरण स्वीकारले आहे, त्याला आजचा पक्षप्रवेश महत्त्वपूर्ण बळकटी देणारा ठरणार आहे.
यावेळी प्रदेशाध्यक्षांनी कार्यकर्त्यांना मार्गदर्शन करणार आहे. “भाजप हा कार्यकर्त्यांच्या मेहनतीवर उभा राहिलेला पक्ष आहे. आगामी महापालिका, नगरपालिका आणि ग्रामपंचायत निवडणुकांत भाजपाचा झेंडा अधिक उंच नेण्यासाठी प्रत्येकाने योगदान द्यावे असं यापूर्वीच भाजपा प्रदेशाध्यक्ष रविंद्र चव्हाण यांनी स्पष्ट केलं आहे .”
भाजपात होणाऱ्या या पक्षप्रवेशामुळे उल्हासनगर महापालिकेतील भाजप अधिक बळकट होणार असून, स्थानिक विकासकामांना गती मिळणार असल्याचा विश्वास भाजप नेत्यांनी व्यक्त केला आहे. यामुळे उल्हासनगरात महापालिका क्षेत्रात मोठी राजकीय उलथापालथ होताना पाहायला मिळत आहे. भाजपा प्रदेशाध्यक्ष रविंद्र चव्हाण यांनी यापूर्वी स्पष्ट केलं आहे. विकासाच्या मुद्यावर अनेक जण आमच्या संपर्कात असल्याचे त्यांनी म्हटले. राज्यभरात भाजपची संघटना विस्तारत असून, येणाऱ्या निवडणुकांसाठी भाजपची भूमिका अधिक निर्णायक ठरणार आहे, हे यामुळे स्पष्ट झाले आहे.