TRENDING:
अनुजासोबत काय घडलं?
पित्याच्या क्रूर मारहाणीत अनुजाची प्रकृती अत्यंत गंभीर झाली होती. जखमी अवस्थेत तिला आटपाडी येथील एका खाजगी रुग्णालयात उपचारासाठी दाखल केले आहे. तिला रुग्णालयात आणले तेव्हा ती अत्यंत अशक्त आणि बेशुद्ध अवस्थत होती. तिच्या हाता-पायांना बांधल्यामुळे त्वचेवर गंभीर जखमा झाल्या होत्या, अनेक ठिकाणी फोड आले होते, तर शरीरावरील मारहाणीच्या खुणा स्पष्ट दिसत होत्या. जखमांमधून मोठ्या प्रमाणात रक्तस्त्राव झाल्यामुळे तिची प्रकृती चिंताजनक होती.
advertisement
डॉक्टरांच्या प्रयत्नांना यश
अनुजाची अवस्था पाहून वैद्यकीय पथक काही क्षण हादरून गेले; परंतु वेळ न दवडता डॉक्टरांनी तातडीने उपचार सुरू केले. जखमा स्वच्छ करण्यासाठी छोटी शस्त्रक्रिया करण्यात आली आणि संसर्ग होऊ नये म्हणून आवश्यक औषधोपचार करण्यात आले. तिच्या हात-पायांना बँडेज करून तिला वैद्यकीय निरीक्षणाखाली ठेवण्यात आले.
अनुजाची प्रकृती धोक्याच्या बाहेर
डॉक्टरांच्या अथक प्रयत्नांमुळे अखेर अनुजाचा जीव वाचवण्यात यश आले. मृत्यूच्या उंबरठ्यावर पोहोचलेल्या या चिमुकलीला नवजीवन मिळाले आहे. सध्या तिची प्रकृती धोक्याबाहेर आहे, असे डॉक्टरांनी सांगितले आहे. मात्र तिच्या शरीरावरील खोल जखमा भरून येण्यासाठी काही काळ लागणार आहे.
दरम्यान, आरोपी पिता दादू यलमार याच्यावर कठोरात कठोर कारवाई करण्याची मागणी जोर धरत आहे. बनपुरीतील ही धक्कादायक घटना पुन्हा एकदा बालकांच्या सुरक्षिततेचा प्रश्न ऐरणीवर आणणारी ठरली. अशा प्रकारच्या घटनाना आळा घालण्यासाठी समाजाने संवेदनशील राहण्याची गरज आहे.