TRENDING:
सर्जेराव नायकुडे यांचा मुलगा महेश नायकुडे (वय 41) यांनी बार्शी शहर पोलीस ठाण्यात या प्रकरणी फिर्याद दिली आहे. आत्महत्येस प्रवृत्त केल्याप्रकरणी भाऊ उमेश याची पत्नी सारिका उमेश नायकुडे (रा. कुर्डुवाडी रोड, बार्शी) हिच्या विरुद्ध गुन्हा दाखल झाला आहे.
advertisement
पोलिसांनी दिलेल्या माहितीनुसार, मृत सर्जेराव नायकुडे आणि फिर्यादी मुलगा महेश हे बार्शीतील नाईकवाडी प्लॉट येथील स्वतःच्या बंगल्यात राहत होते. तर फिर्यादी महेश नायकुडे याचा भाऊ उमेश व त्याची पत्नी सारिका हे काही महिन्यांपासून कुर्डुवाडी रोड परिसरात राहत आहेत.
गेल्या काही महिन्यांपासून सासरे सर्जेराव हे त्यांच्याकडे राहत होते. तेव्हा सून सारिका ही किरकोळ कारणावरून सतत अपमानित करून मानसिक त्रास देत होती. त्यामुळे सर्जेराव नायकुडे हे मानसिक तणावात होते. अखेर सततच्या त्रासाला कंटाळून ते नाईकवाडी प्लॉट बार्शी येथे आले आणि 10 मार्च रोजी टोकाचा निर्णय घेतला. त्यांनी विषारी द्रव्य पिऊन जीवन संपवले. याप्रकरणी पुढील तपास पोलीस करत आहेत.