TRENDING:
मिळालेल्याा माहितीनुसार, नाशिकमध्ये ही महाराष्ट्र लाचलूचपत प्रतिबंधक विभागाने सापळा रचून ही कारवाई केली आहे. वस्तू व सेवा कर कार्यालय नाशिक इथं राज्य कर उपायुक्त सोमनाथ दत्तू पागे ( वय 47) आणि सहाय्यक राज्यकर आयुक्त मच्छिंद्र विठ्ठल दोंदे (वय 55 वर्ष) या दोघांसह अमित हिरामण जाधव या व्यक्तीलाही अटक केली आहे. या दोघांनी एका व्यक्तीकडे तब्बल २० लाखांची लाच मागितली होती.
advertisement
१ कोटी ठरले, २० लाखांचा हफ्ता
सोमनाथ पागे आणि मच्छिंद्र दोंदे याने जीएसटी विभागाकडून कारवाई केली होती. तक्रारदाराकडून 1 कोटी 25 लाख रुपयाची मागणी केली होती. पण तडजोड कर तक्रारदाराकडून १ कोटी रुपये घेण्यावर ठरलं होतं. याचा पहिला हफ्ता म्हणून 20 लाख रुपयांच लाचेच्या रक्कमेची मागणी केली होती. तक्रारदाराने याा प्रकरणी महाराष्ट्र लाचलूचपत प्रतिबंधक विभागाकडे तक्रार दिली.
घरात आढळले २ लाख
ACB च्या कर्मचाऱ्यांनी सापळा रचला आणि दामोदर चौक नाशिक येथील तक्रारदार यांचे कार्यालयात लाचेच्या रकमेतील पहिला हफ्ता 20 लाख घेण्यासाठी आलेल्या अमित हिरामण जाधवला रंगेहाथ पकडलं. त्यानंतर आरोपी सोमनाथ पागे आणि मच्छिंद्र दोंदे यांच्या घराची झडती घेतली असता २ लाख रुपये आढळून आले. या प्रकरणी तिन्ही आरोपींविरोधात भ्रष्टाचार प्रतिबंध अधिनियम १९८८ चे कलम ७ , १२ अन्वये गुन्हा दाखल करण्यात आला आहे.