कुस्ती, कबड्डी, खो-खो, हॉलीबॉल, राज्यस्तरीय स्पर्धा कुठे कुठे होणार? सुनेत्रा पवारांकडून घोषणा

हॉलीबॉल स्पर्धा अंबरनाथमध्ये, कबड्डी स्पर्धा नागपुरात, कुस्ती स्पर्धा बीडमध्ये

सन २०२५-२६ या वर्षात विविध राज्यस्तरीय क्रीडा स्पर्धांच्या आयोजनाबाबत आज बैठक पार पडली. यावेळी कोणकोणत्या शहरात क्रीडा स्पर्धा होणार याबाबतची घोषणा करण्यात आली. यंदाच्या छत्रपती शिवाजी महाराज चषक राज्यस्तरीय हॉलीबॉल स्पर्धा अंबरनाथ येथे, छत्रपती शिवाजी महाराज चषक राज्यस्तरीय कबड्डी स्पर्धा नागपूर येथे, स्वर्गीय खाशाबा जाधव चषक राज्यस्तरीय कुस्ती स्पर्धा बीड येथे तसेच कै. भाई नेरुरकर चषक राज्यस्तरीय खो-खो स्पर्धा बारामती येथे आयोजित करण्याचा निर्णय बैठकीत घेण्यात आला.

advertisement

नवोदित खेळाडूंना गुणवत्ता सिद्ध करण्याची संधी

राज्यस्तरीय स्पर्धांमुळे नवोदित खेळाडूंना आपली गुणवत्ता सिद्ध करण्याची संधी मिळणार असून क्रीडा क्षेत्रात स्पर्धात्मक वातावरण निर्माण होईल. यामुळे महाराष्ट्राची समृद्ध क्रीडा परंपरा अधिक बळकट होऊन राज्याला भविष्यात अधिक राष्ट्रीय आणि आंतरराष्ट्रीय दर्जाचे खेळाडू मिळतील, अशी खात्री सुनेत्रा पवार यांनी व्यक्त केली.