विनोद तावडे माध्यमांना प्रतिक्रिया दिली आहे. माझ्या गाडीत काहीही सापडलं नाही. मी 5 कोटी घेऊन गेलोय ही माहिती त्यांच्याकडे कन्फर्म होती, त्यांना असं वाटत असेल तर मला राहुल गांधी आणि सुप्रिया सुळेंनी पाठवून द्यावे, असा हल्ला विनोद तावडे यांनी चढवला.
Maharashtra Election 2024 Voting Live Updates
कार्यकर्ता दिवस रात्र मेहनत करत असतो. प्रचार न करता त्यांच्यासोबत चहा घेतला चर्चा केली तर त्यांनाही बरं वाटतं असतं. पण इतकं वातावरण स्थानिक उमेदवारानं करणे हे समजू शकतो, पण राष्ट्रीय नेत्यानं करणं म्हणजे लोकांनाही कळत असतं. त्यामुळे त्यांना भीती आहे की त्यांच्या हातून निवडणूक जाणार आहे. हे माहिती असल्याने ते अशा गोष्टींचा वाद करतायत, अशी टीका तावडेंनी ठाकुरांवर केली. तसेच याचा निवडणुकीवर कोणताही परिणाम होणार नाही, गळं वास्तव जनतेला आणि मतदारांना समजतं, असे तावडेंनी स्पष्टच सांगितले.
advertisement
विनोद तावडे यांनी यावेळी तीन गुन्हे नेमके कोणते दाखल झाले, याबाबतची ही माहिती दिली. पहिला गुन्हा हा मी मतदारसंघाबाहेर गेल्यामुळे दाखल झाला असावा.दुसरा गुन्हा हा आम्ही पत्रकार परिषद घेतल्यामुळे असाला. तिसरा गुन्हा हा हिंतेद्र ठाकूर त्यांचं मतदार संघ सोडून आल्यामुळे दाखल झाला आहे. आणि पैशांच्या विषयावर कोणतीही तक्रार दाखल झालेली नाही, असे देखील विनोद तावडेंनी स्पष्ट केले.
मी 20 वर्ष आमदार होतो ते कळतं मला. मी आत असतानाचे व्हिडीओ पण आहेत. पाच ते सात मिनिटं पण नव्हतं आम्ही निघणार होतो. आणि एकतर ते हॉटेल ठाकूर ग्रूपचच यांचंच आहे. मी एवढा मूर्ख नाही की त्याच्याच हॉटेलमध्ये जाऊन पैसे वाटायला, आम्ही विरोधकांच्या हॉटेलमध्ये जाऊन पैसे वाटून येतील इतके तर भाजपवाले आता मूर्ख राहिले नाहीत एवढं तर समजयाला पाहिजे. माझ्याकडे एक पैसा सापडला नाही, असे देखील विनोद तावडे यांनी सांगितले.