बायकोने दीड कोटींना नवरा विकला, गर्लफ्रेंडने पैसे मोजताच दिला ‘हँडओव्हर’; ‘जुदाई’च्या रियल लाइफ स्टोरीची गावभर चर्चा

सरकारी अधिकाऱ्यावर प्रेम करणाऱ्या त्याच्या वरिष्ठ महिला अधिकाऱ्यानं डुप्लेक्स घर आणि 27 लाख रुपये दिले. वरिष्ठ महिला अधिकाऱ्यानं अधिकाऱ्याच्या पत्नीला दीड कोटींची मालमत्ता देऊन घटस्फोटासाठी मदत केली.

नेमकं काय घडलं? 

भोपाळमधील कौटुंबिक न्यायालयात एका 42 वर्षीय सरकारी अधिकाऱ्यानं त्याच्या 54 वर्षीय महिला वरिष्ठ अधिकाऱ्यासोबतचे संबंध मान्य करत पत्नीपासून वेगळं होण्याचा निर्णय घेतला . परिणामी वाद वाढल्यानंतर अधिकाऱ्याच्या मोठ्या मुलीने न्यायालयात तक्रार केल्यानंतर खटला सुरू झाला. हिंदू विवाह कायद्यानुसार समेटाचे प्रयत्न झाले, मात्र संबंधातील दरी भरून निघाली नाही. अखेर परस्पर संमतीने घटस्फोटाचा मार्ग स्वीकारण्यात आला.प त्नीला घर आणि 27 लाख रुपये अशी दीड कोटींची मालमत्ता देण्याचं मान्य करण्यात आलं. ही रक्कम दोन्ही मुलींच्या शिक्षण आणि भविष्यासाठी सुरक्षिततेच्या दृष्टीने देण्यात येणार आहे.

advertisement

भोपाळमधील अनोखा घटस्फोट देशात चर्चेचा विषय

संबंधित अधिकारी आणि त्याची महिला वरिष्ठ अधिकारी एकाच विभागात कार्यरत होते. प्रोजेक्ट आणि बैठकीदरम्यान वाढलेल्या जवळीकीतून त्यांच्यात प्रेम निर्माण झालं, मात्र कुटुंब दुरावलं. या प्रकरणात कधीही घडत नाही अशी घटना घडली. तिसऱ्या व्यक्तीनं आर्थिक जबाबदारी स्वीकारण्याचं दुर्मिळ उदाहरण इथं पाहायला मिळालं. एकंदरीतच भोपाळमधील हा अनोखा घटस्फोट आणि समेटाचं प्रकरण देशात चर्चेचा विषय ठरलाय. आता त्यावर चित्रपट तयार होईल की नाही, हे सांगता येत नाही.