Bank Holiday: शिवजयंतीनिमित्ताने तुमच्या शहरातील बँका बंद राहणार की सुरू? लगेच चेक करा

राज्यातील सर्व प्रमुख शहरांत सुट्टी

भारतीय रिझर्व्ह बँकेच्या सुट्ट्यांच्या अधिकृत कॅलेंडरनुसार, शिवजयंतीनिमित्त मुंबई, पुणे, नागपूर, कोल्हापूर, नाशिक आणि संभाजीनगरसह महाराष्ट्रातील सर्व जिल्ह्यांमध्ये बँका पूर्णपणे बंद राहतील. केवळ बँकाच नव्हे, तर सरकारी कार्यालये आणि काही खाजगी संस्थांना देखील सुट्टी जाहीर करण्यात आली आहे. त्यामुळे, कामाचे नियोजन करताना ही बाब लक्षात घेणे आवश्यक आहे.

advertisement

गोल्ड-सिल्वर ETF मध्ये धुमाकूळ; किंमत आवरण्यासाठी सरकारचा मोठा प्लॅन, नवे नियम बदलणार खेळ

डिजिटल व्यवहार सुरू राहणार

बँकेच्या शाखा जरी बंद असल्या तरी तंत्रज्ञानामुळे सर्वसामान्यांची गैरसोय होणार नाही. खालील डिजिटल सेवा २४ तास अखंड सुरू राहतील. पैसे काढण्यासाठी किंवा भरण्यासाठी सर्व बँकांचे एटीएम नेहमीप्रमाणे सुरू असतील. गुगल पे, फोनपे आणि इंटरनेट बँकिंगद्वारे होणारे व्यवहार अविरत सुरू राहतील. NEFT, RTGS आणि IMPS द्वारे तुम्ही घरबसल्या पैसे पाठवू शकता.

इतर राज्यांतील स्थिती काय?

शिवजयंतीची सुट्टी प्रामुख्याने महाराष्ट्रात असते. कर्नाटकातील काही ठराविक सीमावर्ती भागांत या दिवशी सुट्टी असू शकते, मात्र इतर राज्यांमध्ये बँकांचे कामकाज नियमितपणे सुरू राहील. त्यामुळे परराज्यातील व्यवहारांवर याचा परिणाम होणार नाही. सलगच्या सुट्ट्यांमुळे एटीएममध्ये रोख रकमेचा तुटवडा भासू शकतो. गुरुवारी बँका बंद असल्या तरी शुक्रवारी, २० फेब्रुवारी रोजी सर्व बँकांचे कामकाज पुन्हा सुरू होणार आहे.