२ मजली गोठा, ८० हून अधिक म्हशी, महिन्याला ८ लाखांची कमाई अहिल्यानगरच्या श्रद्धाने कसं उभं केलं कोट्यवधींचं साम्राज्य?

मुंबई : आजच्या काळात तरुणांनी शेती आणि शेतीपूरक व्यवसायांकडे वळावे, असे सातत्याने सांगितले जाते. मात्र प्रत्यक्षात या क्षेत्रात आधुनिक तंत्रज्ञान, नवे प्रयोग आणि व्यावसायिक दृष्टिकोन घेऊन उतरणारी तरुण पिढी अजूनही कमीच आहे. विशेषतः जेव्हा एखादी तरुणी पुरुषप्रधान समजल्या जाणाऱ्या दुग्धव्यवसायासारख्या क्षेत्रात उतरते, तेव्हा तिला समाजातील रूढी, टोमणे आणि मानसिक दबाव यांचा सामना करावा लागतो. मात्र योग्य संधी, आत्मविश्वास आणि प्रचंड मेहनत असेल, तर महिलाही कोणतेही क्षेत्र यशस्वीपणे पेलू शकतात, याचे जिवंत उदाहरण म्हणजे श्रद्धा ढवण.