Surya Grahan 2026: कंकणाकृती सूर्यग्रहण आज कधीपासून कधीपर्यंत? अचूक वेळ, काय टाळावं, कुठं दिसेल?

मुंबई : आज 17 फेब्रुवारी 2026 चा हा दिवस खगोलशास्त्र आणि ज्योतिषशास्त्र या दोन्ही दृष्टिकोनातून खूप महत्त्वाचा मानला जातोय. वर्षातलं पहिलं सूर्यग्रहण आज लागत असून याला कंकणाकृती सूर्यग्रहण (रिंग ऑफ फायर) असं म्हटलं जातंय. पण हे ग्रहण भारतात दिसणार नाहीये. तरीही ग्रहणाचं नाव काढलं की लोकांच्या मनात उत्सुकता आणि थोडी भीती दोन्ही दाटून येते. घरातील वडीलधारी मंडळी सुतकाच्या गोष्टी करतात, तर तरुण पिढी गुगलवर याचं लाईव्ह स्ट्रीमिंग शोधतेय. आजच्या सूर्यग्रहणाची वेळ काय आहे, ते कुठे दिसेल आणि ज्योतिषांनुसार याचा नेमका काय परिणाम होईल, हे सोप्या भाषेत समजून घेऊया.